JOEL 2:27 - Edisana ñwed Abasi Ibom

²⁷ Ndien mbufo eyefiɔk ete ke ami ndodu Israel ke ufɔt, ami nnyuŋ ndi Jehovah Abasi mbufo, eŋwen inyuŋ iduhe; ikɔt mi idinyuŋ ikwe but ke nsinsi.

JOEL 2:27 ပူးပေါင်းရင်းမြစ်များ

ŊWED MME PSALM 46:5

Abasi odu enye ke esit; enye idisehekede: Abasi eyenyeŋa enye ke ata usenubɔk.

ŊWED MME PSALM 68:18

Ɔbɔŋ odu ke otu mmɔ; Sinai odu ke edisanan ebiet. Afo ɔkɔdɔk ke enyɔŋ, ataŋ mbuot ekɔŋ ɔnyɔŋ: ɔbɔ enɔ ke otu owo; ye ke otu mbon nsɔŋ-ibot ŋko-ŋko, man afo oduŋ do, O Jehovah Abasi.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 45:18

Koro emi edi uyo Jehovah andibot enyɔŋ; enye edi Abasi emi obotde isɔŋ, onyuŋ anamde enye; enye owuk enye, ibotke enye ke ikpikpu, obot enye man eduŋ ke esit: ami ndi Jehovah, ndien efen iduhe.

ISAIAH 45:5

Ami ndi Jehovah, ndien efen iduhe du, Abasi iduhe ke mibɔhɔke ami, mbɔbɔ fi mbɔbɔ, ndien afo ufiɔkke mi:

ISAIAH 45:6

man mmɔ efiɔk ke edem usiaha-utin, ye ke edem usop-utin, ete ke baba kiet iduhe ke mibɔhɔke ami, ami ndi Jehovah, ndien baba efen iduhe.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

ISAIAH 49:23

Ndien ndidem eyedi mme andikɔ fi, iban mmɔ eyenyuŋ enɔ fi eba: mmɔ eyetuk iso ke isɔŋ enɔ fi, enyuŋ edei ɔkɔp ukot fo; ndien afo eyefiɔk ete ke ami ndi Jehovah, emi but midinamke mmɔ eke eberede idem ye ami.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

EZEKIEL 37:6

nyenyuŋ nda osip ndori mbufo, nnyuŋ nnam obuk ɔkɔri mbufo ke idem, nnyuŋ mfɔri mbufo ikpa, nnyuŋ nsin mbufo ibifik ke idem, ndien mbufo eyedu uwem; enyuŋ efiɔk ete ke ami ndi Jehovah.

EZEKIEL 39:22

Ndien ufɔk Israel eyefiɔk ete ke ami Jehovah ndi Abasi mmimɔ, ɔtɔŋɔde ke usen oro ye ke nsinsi.

EZEKIEL 39:28

Ndien mmɔ eyefiɔk ete ke ami ndi Jehovah Abasi mmɔ, koro ŋkayakde etaŋ mmɔ efep enɔ mme idut: ndien mmataŋ mbon ke isɔŋ mmɔ, nnyuŋ ŋkpɔŋke aba owo mmɔ ndomo kiet do.

EZEKIEL 39:29

Ndien ndidipke aba mmɔ iso mi: koro nduɔkde ufɔk Israel spirit mi ke idem. Uyo Ɔbɔŋ Jehovah edi emi.

JOEL 2:26

Ndien mbufo eyedia eyuhɔ, enyuŋ etoro enyiŋ Jehovah Abasi mbufo, emi akanamde mme utibe ŋkpɔ ye mbufo: ndien ikɔt mi idikwe but ke nsinsi.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

JOEL 3:21

Ndien nyedahado ke iyip mmɔ emi mmeŋkedahakedo ke esit: koro Jehovah oduŋde ke Zion.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

ZECHARIAH 2:9

Koro, sese, nyenyeŋe ubɔk mi nse mmɔ, ndien mmɔ eyekabare edi se ifin mmɔ ebumede: ndien mbufo eyefiɔk ete ke Jehovah mme udim ɔmɔdɔŋ mi utom.

NUMBERS 11:29

Ndien Moses ɔdɔhɔ ete, Nte afo ofibe ufup ɔnɔ mi? Ofuri ikɔt Jehovah ekpakam ekabare edi prophet: Jehovah akpakam ɔnɔ mmɔ spirit esie!

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

DEUTERONOMY 23:14

Koro Jehovah Abasi fo asaŋade ke esit fo, ete inyaŋa fi, inyuŋ ida mme asua fo inim fi ke iso: ndien nna fo edi edisana: mbak enye edikut mbubiam ke otu fo, ndien akabare ɔkpɔŋ fi.

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.