JOEL 2:20 - Edisana ñwed Abasi Ibom

²⁰ Ndien nyesio idut edem edere mfep ŋkpɔŋ mbufo anyan usuŋ, nnyuŋ mbin enye nsin ke edisat ye ikpikpu isɔŋ, iso esie eyese inyaŋ edem usiaha-utin, edem esie eyenyuŋ ese inyaŋ edem usop-utin, ndien utebe esie eyedɔk, uŋwak esie eyenyuŋ ɔdɔk, koro enye anamde ikpɔ ŋkpɔ.

JOEL 2:20 ပူးပေါင်းရင်းမြစ်များ

2 NDIDEM 8:13

Ndien Hazael ɔdɔhɔ, ete, Owo fo edi nso naŋa? ebua? emi enye edinamde oruk akamba ŋkpɔ emi? Ndien Elisha ɔdɔhɔ ete, Jehovah amasian mi, ete ke afo edidi edidem Syria.

ŊWED MME PSALM 126:3

Jehovah amanam ikpɔ ŋkpɔ ye nnyin; esit ke adat nnyin.

EXODUS 10:19

Ndien Jehovah anam ata ɔkpɔsɔŋ ofim oto ke edem usop utin ɔwɔŋɔre, emen ŋkukuŋkppɔyɔriyɔ ɔduɔk ke Ididuot Inyaŋ; baba ŋkukuŋkpɔyɔriyɔ kiet isuhɔke ke ofuri adaŋa Egypt.

EXODUS 8:14

Ndien etaŋ mmɔ ekubi otu; ndien isɔŋ etebe.

ISAIAH 34:3

Ndien eyemen mmɔ eke ekpaŋade afai, eduɔŋɔ, ndien utebe mme okpo mmɔ eyedɔk, iyip mmɔ eyenyuŋ anam ikpɔ obot etara.

EZEKIEL 47:18

Ndien edem usiaha-utin eyena ke ufɔt Hauran ye Damascus, ye ke ufɔt Gilead ye isɔŋ Israel, ke mben Jordan, mbufo etɔŋɔ ke adaŋ edomo tutu osim inyaŋ edem usiaha-utin. Ndien emi edidi adaŋa edem emi utin asiahade.

AMOS 4:10

Ŋkɔdɔŋ idiɔk udɔŋɔ etiene mbufo, kpa nte ŋkanamde ke Egypt: ŋwot mkparawa mbufo ke ofut, nnyuŋ ntaŋ mme horse mbufo mfep; nnyuŋ nnam utebe nna-ekɔŋ mbufo ɔdɔk oduk mbufo ke ibuo: edi mbufo ifiakke edem itiene mi; uyo Jehovah edi emi.

ZECHARIAH 14:8

Ndien ama ekem ke usen oro, mmɔŋ idim eyeto ke Jerusalem; ubak kiet eyeka inyaŋ edem usiaha-utin, ubak eken eyeka inyaŋ edem usop-utin: eyedu ke nda-eyo ye ke tuep.

MALACHI 3:11

Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.

DEUTERONOMY 11:24

Kpukpru ebiet eke ikpat ukot mbufo edidigide ke esit, eyenyene mbufo: adaŋa mbufo eyetɔŋɔ ke wilderness, ye ke Lebanon, ye ke akpa, idem akpa Euphrates, tutu akatuak ke inyaŋ ke edem usop-utin.