JOEL 2:2 - Edisana ñwed Abasi Ibom

² kpa ata ɔkpɔsɔŋ ekim, usen obubit enyɔŋ, kpa ata idiɔk enyɔŋ eti-eti: ebiet usiere eke asuanade ke ikpɔ obot: idut emi awakde, onyuŋ ɔsɔŋɔde; oruk oro akananam iduhe totoko idinyuŋ itieneke enye idi, tutu osim isua ediwak emana.

JOEL 2:2 ပူးပေါင်းရင်းမြစ်များ

ŊWED MME PSALM 10:6

Enye ɔdɔhɔ ke esit esiemɔ, ete, Ndisehekede; ke ofuri emana ami ndi owo emi mididuhe ke idiɔk.

ŊWED MME PSALM 97:2

Obubit enyɔŋ ye ekim ekan enye ekuk: edinen ido ye ikpe edi itie ebekpo esie.

EXODUS 10:14

Ndien ŋkukuŋkpɔyɔriyɔ eto edɔk ke ofuri isɔŋ Egypt, editie ke kpukpru mme adaŋa Egypt, ediɔk eti-eti; oruk ŋkukuŋkpɔyɔriyɔ nte mme mmɔ emi akanam iduhe, oruk oro idinyuŋ iduhe aba.

EXODUS 10:6

Eyenyuŋ eyɔhɔ ke ufɔk fo, ye ke mme ufɔk kpukpru ikɔt fo, ye ke mme ufɔk nditɔ Egypt akpaimɔ; eke mme ete mbufo, ye mme ete ete mbufo ekenam mikwe, toto ke ini mmɔ edude ke isɔŋ, tutu osim mfin emi. Ndien enye akabare ɔkpɔŋ Pharaoh ɔwɔrɔ.

EXODUS 20:21

Ndien kpukpru owo eda nsan-nsan, ndien Moses asaŋa ekpere ŋkim-ŋkim ebiet oro Abasi odude do.

ISAIAH 5:30

Ndien enye eyekuni enye ke usen oro, kpa nte inyaŋ ibom oyomode: enye eyenyuŋ ese obot, ndien, sese, ekim! nnanenyin, ye uŋwana! ke okim ke mbubit enyɔŋ esie.

ISAIAH 8:22

Ndien mmɔ eyewuk enyin ese isɔŋ; ndien sese nnanenyin ye ekim, ekim ukut, eyenyuŋ ebin enye esin ke ɔkpɔsɔŋ ekim.

JEREMIAH 13:16

Mbufo enɔ Jehovah Abasi ubɔŋ, ke ebiet mika-ikimke kaŋa, ke ukot mbufo mika-ituahake ke obot okoneyo, ndien mbufo edori enyin ebet uŋwana, edi enye eyenam enye edi mfut mkpa, onyuŋ esin enye okim eti-eti.

JEREMIAH 13:6

Edikem ke utit ediwak usen, Jehovah ɔdɔhɔ mi, ete, daha ke enyɔŋ ka ke Euphrates, ndien men ubɔp-isin oro ŋkowukde fi nte odip enye do, fep ke esit.

ŊWED ESEME 1:12

Nte mbufo emi esaŋade ke usuŋ ebe ikereke? Mbufo etiŋ enyin enyuŋ ese me ndutuhɔ odu eke ebietde ndutuhɔ emi enamde mi, emi Jehovah ɔkɔtuhɔde mi ke usen ikaŋ iyaresit esie.

EZEKIEL 32:7

Ndien ke ini nnimede fi nyefuk ikpa-enyɔŋ, nnyuŋ nnam ntanta-ɔfiɔŋ mmɔ ebire; nyenyuŋ nda obubit enyɔŋ mfuk utin, ɔfiɔŋ idinyuŋ iyamake uyama esie.

EZEKIEL 34:12

Kpa nte ɔbɔk ufene ɔduŋɔde otu ufene esie ke usen eke enye odude ke otu ufene esie emi esuanade; kpasuk ntre ke ndiduŋɔ ufene mi, nnyuŋ nnyaŋa mmɔ nsio ke kpukpru ebiet emi mmɔ esuanade ke esit ke usen obubit enyɔŋ ye ata ekim.

EZEKIEL 38:9

Ndien afo eyedɔk nte oyobio, eyedi nte obubit enyɔŋ, eyedi se ifukde isɔŋ, afo ye kpukpru mme udim fo, ye ediwak owo ŋko.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

JOEL 1:6

Koro idut kiet ke ɔdɔk edi ke isɔŋ mi, ke ɔsɔŋ, inyuŋ inyeneke ibat; edet esie edi edet lion; enye onyuŋ enyene ntak edet uman lion.

JOEL 2:25

Ndien nyenɔ mbufo usiene mme isua oro ŋkukuŋkpɔyɔriyɔ ye ŋkuku ye itut ye idiaŋ eketade, akwa udim mi emi ŋkɔdɔŋde ekɔŋ ke ɔtɔ mbufo.

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

JOEL 2:5

Efefrɔ ke enyɔŋ ikpɔ obot, ebiet uyom chariot: ebiet mkprak edemikaŋ eke atade etak ibokpot, ebiet mkpɔsɔŋ mbio eke etimde udim ekɔŋ.

JOEL 3:4

Ndien ŋko mbufo esaŋa nso ŋkpɔ ye ami Tyre, ye Zidon, ye ofuri edem Philistia? Nte mbufo esio usiene ye ami? Ndien edieke mbufo esiode usiene ye ami, nyesɔp nda usiene mbufo iwiwa ndori mbufo ke ibuot.

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.

ZEPHANIAH 1:7

Dop uyo ke iso Ɔbɔŋ Jehovah: koro usen Jehovah emekpere: koro Jehovah omowuk uwa: omotim mmɔ emi enye okokotde.

ZECHARIAH 14:6

Ndien ama ekem ke usen oro uŋwana ididuhe: ŋkpɔ uto eyedaŋa.

MATTHEW 24:21

koro ke ini oro akwa ukut eyedu, oruk eke akanam miduhe toto ke eritɔŋɔ ererimbot tutu osim emi, eke midinyuŋ iduhe aba.

MARK 13:19

Koro mme usen oro edidi mme usen ukut, eke oruk oro akanam miduhe toto Abasi ɔkɔtɔŋɔ ndibot ŋkpɔ tutu osim emi, midinyuŋ iduhe aba.

DEUTERONOMY 32:7

Ti mme usen eset, mbufo ekere isua eyo oko: bup usɔ, ndien enye eyetiŋ ɔnɔ fi; bup mbiowo fo, ndien mmɔ eyedɔhɔ fi.

MME HEBREW 12:18

Koro mbufo ikasaŋake ikpere se owo ekemede ndituk ke ubɔk, ye ikaŋ eke asakde, ye obubit enyɔŋ, ye ekim, ye oyobio, ye uyo ukorowo, ye uyo ikɔ;

JUDE 1:13

mmɔ ebiet aya inyaŋ ibom, esioŋo esuene mmɔ nte mmɔŋ osioŋode efot; mmɔ ebiet nyoŋ ntantafiɔŋ, eke enimde ata obubit ekim enɔ mmɔ ke nsinsi.

ERIYARARE 9:2

Enye onyuŋ ɔkpɔhɔre obube akwa udem; nsuŋikaŋ onyuŋ oto ke obube oro ɔwɔrɔ, ebiet nsuŋikaŋ akwa ikaŋ emi ebarade; utin ye enyɔŋ enyuŋ ekabare ekim ke ntak nsuŋikaŋ obube oro.