JOEL 2:18 - Edisana ñwed Abasi Ibom

¹⁸ Ndien Jehovah eyefibe ufup abaŋa isɔŋ esie, onyuŋ atua ikɔt esie mbɔm.

JOEL 2:18 ပူးပေါင်းရင်းမြစ်များ

2 NDIDEM 19:31

koro mmɔ eke esuhɔde eyeto ke Jerusalem; ubak eke ɔbɔhɔde eyenyuŋ oto ke obot Zion, ufup Jehovah eyenam emi.

ŊWED MME PSALM 103:13

Kpa nte ete atuade nditɔ esie mbɔm, ntre ke Jehovah atua mmɔ eke ebakde enye mbɔm.

ŊWED MME PSALM 103:17

Edi ima Jehovah ebigi ke nsinsi-nsinsi ye mmɔ eke ebakde enye, edinen ido esie onyuŋ ebigi ye nditɔ nditɔ;

ISAIAH 37:32

koro mmɔ eke esuhɔde eyeto ke Jerusalem, ubak eke ɔbɔhɔde eyenyuŋ oto ke obot Zion: ufup Jehovah mme udim edinam emi.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

ISAIAH 60:10

Ndien nditɔ isen owo eyebɔp ibibene fo, ndidem mmɔ eyenyuŋ enam ŋkpɔ enɔ fi: koro ke iyaresit mi ke ŋkamiŋa fi, ndien ke mfɔnido mi ke ŋkatua fi mbɔm.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

ŊWED ESEME 3:22

Ima Jehovah esin nnyin ikutak, koro mbom esie mikureke.

ZECHARIAH 1:14

Ndien angel oro enemede ye ami ɔdɔhɔ mi, ete, Fiori ete, Ntem ke Jehovah mme udim ɔdɔhɔ ete, Mmofibe akamba ufup mbaŋa Jerusalem ye Zion.

ZECHARIAH 8:2

Ŋkofibe akamba ufup nnɔ Zion, ŋkonyuŋ nda akamba ifiopesit mfibe ufup nnɔ enye.

LUKE 15:20

Ndien enye adaha ke enyɔŋ etiene ete esie. Edi ke ini enye odude kaŋa nsan-nsan, ete esie okut enye, onyuŋ atua enye mbɔm, efehe, awaŋa enye ke itɔŋ, onyuŋ otim enye inua.

DEUTERONOMY 32:16

Mmɔ eda isen abasi esin enye ofibe ufup, eyat enye esit ke mbubiam ŋkpɔ mmɔ.

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

DEUTERONOMY 32:43

Mbufo mme idut, etiene ikɔt esie esioŋo mkpo idara: koro enye omosio usiene iyip ifin esie, omonyuŋ osio usiene ye mme asua esie, onyuŋ osio isop isɔŋ esie, kpa eke ikɔt esie.

JAMES 5:11

Sese, nnyin idɔhɔ ite, ɔfɔfɔn ye mmɔ emi ema ebiom ukut: mbufo emokop ebaŋa ime Job, emenyuŋ ekut se Ɔbɔŋ anamde enye ke akpatre, nte Ɔbɔŋ enyenede esit mbɔm, onyuŋ atuade owo mbɔm.

JUDGES 10:16

Mmɔ enyuŋ esioŋo isen abasi ke otu mmɔ efep, enyuŋ enam ŋkpɔ Jehovah: ndien mbɔm ukut Israel anam enye ukpɔŋ.