JOEL 2:16 - Edisana ñwed Abasi Ibom

¹⁶ Mbufo ebon mbio-obio, enim esop, ebon mme ebiowo, ebon nditɔwɔŋ ye mmɔ eke ewapde eba: yak ɔdɔ-ndɔ oto ke ubet esie ɔwɔrɔ, yak ŋwan ndɔ oto ke bed ndɔ esie.

JOEL 2:16 ပူးပေါင်းရင်းမြစ်များ

2 CHRONICLES 20:13

Ndien ofuri Judah ada ke iso Jehovah, ye ŋkpri nditɔwɔŋ mmɔ, ye iban mmɔ, ye nditɔ mmɔ.

2 CHRONICLES 29:5

ndien ɔdɔhɔ mmɔ, ete, Mbufo mme Levite ekop uyo mi, enam ndien idem mbufo esana, enyuŋ enam ufɔk Jehovah Abasi mme ete mbufo asana, enyuŋ esio ɔkɔp ke edisana ebiet efep.

2 CHRONICLES 30:17

Koro ediwak owo eke mikanamke idem mmɔ esana edude ke esop: mmɔdo mme Levite edade ke ndiwot passover nnɔ kpukpru owo eke edehede, man enam mmɔ esana enɔ Jehovah.

2 CHRONICLES 30:19

Koro Hezekiah akanamde mkpe-ubɔk ɔnɔ mmɔ, ete, Eti Jehovah, fen kpukpru owo eke ewukde esit mmɔ eyom Abasi, Jehovah Abasi mme ete mmɔ, okposuk edi nte misaŋake ye edisana ido edisana ebiet.

2 CHRONICLES 35:6

ŋka ufɔk ete mme Levite. Mbufo enyuŋ ewot passover, enyuŋ enam idem mbufo esana, enyuŋ etim (ŋkpɔ passover) enɔ nditɔ-ete mbufo, enyuŋ enam nte Jehovah ɔkɔdɔhɔde ke ubɔk Moses.

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

ŊWED MME PSALM 19:5

Ndien enye ebiet ɔdɔ-ndɔ emi otode ke ubet esie ɔwɔrɔ, adara nte owo uko ke erifehe mbuba esie.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

EXODUS 19:15

Enye onyuŋ ɔdɔhɔ mmɔ, ete, Mbufo etim idem ebeŋe okut; ekutiene ŋwan.

EXODUS 19:22

Yak mme oku ŋko emi esaŋade ekpere Jehovah, enyuŋ enam idem mmɔ esana, mbak Jehovah edibumere anam mmɔ.

JOEL 1:14

Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

MATTHEW 21:16

Nte omokop se mmɔ emi edɔhɔde? Edi Jesus ɔdɔhɔ mmɔ ete, Edi ntre; nte akanam mbufo ikotke se ewetde ete, Afo osio itoro eke ɔfɔnde ama ke inua nsek-nditɔ ye mme awap-eba?

MATTHEW 9:15

Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.

JOSHUA 7:13

Daha ke enyɔŋ, nam kpukpru owo esana, nyuŋ dɔhɔ mmɔ, ete, Mbufo enam idem mbufo esana ebeŋe mkpɔŋ: koro ntem ke Jehovah Abasi Israel ɔdɔhɔ ete, Nkpɔ nsobo mmɔdo ke otu mbufo, O Israel; mbufo idikwe nte edada ke iso mme asua mbufo, tutu esio ŋkpɔ nsobo ke otu mbufo efep.

JOSHUA 8:35

Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.

1 SAMUEL 16:5

Ndien enye ɔbɔrɔ ete, Ke ufan: ndi uwa emem ndiwa nnɔ Jehovah: mbufo enam idem-mbufo esana, enyuŋ etiene mi edi uwa. Enye onyuŋ anam Jesse ye nditɔ-iren esie esana, onyuŋ okot mmɔ edi uwa.