JOEL 2:1 - Edisana ñwed Abasi Ibom

¹ MBUFO efuri ukorowo ke Zion, enyuŋ eduat ke edisana obot mi: yak kpukpru mme andiduŋ isɔŋ enyek idem: koro usen Jehovah emedi, koro emekpere; usen ekim,

JOEL 2:1 ပူးပေါင်းရင်းမြစ်များ

1 CHRONICLES 15:28

Ofuri Israel enyuŋ eda ekebe ediomi Jehovah edɔk ke mkpo, ye ke uyom obukpoŋ, ye ukorowo, ye cymbal, ke enam uyom ke psaltery, ye ke harp.

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

ŊWED MME PSALM 87:1

ITIE esie odu ke mme edisana ikpɔ obot.

EXODUS 10:14

Ndien ŋkukuŋkpɔyɔriyɔ eto edɔk ke ofuri isɔŋ Egypt, editie ke kpukpru mme adaŋa Egypt, ediɔk eti-eti; oruk ŋkukuŋkpɔyɔriyɔ nte mme mmɔ emi akanam iduhe, oruk oro idinyuŋ iduhe aba.

ISAIAH 13:6

Mbufo etuaŋa; koro usen Jehovah emekpere: ɔmɔŋ edi nte nsobo eke otode Ata Ɔkpɔsɔŋ.

ISAIAH 13:9

Sese, usen Jehovah ɔmɔŋ edi, mbɔm iduhe, enye akpahesit, iyaresit asak nte ikaŋ, man onim isɔŋ ke ŋwure; ndien enye eyesobo mme idiɔk owo mmɔ efep ke esit.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?

JEREMIAH 16:7

Idinyuŋ ibuŋke uyo inɔ mmɔ ibaŋa ikpo, man edɔŋ mmɔ esit ebaŋa akpa-mkpa; idinyuŋ inɔŋɔ mmɔ cup ndɔŋesit ebaŋa ete mmɔ ye eka mmɔ.

JEREMIAH 4:5

Mbufo etiŋ ke Judah, enyuŋ ebuk ke Jerusalem, enyuŋ edɔhɔ, enyuŋ efuri ukorowo ke isɔŋ; efiori ɔkpɔsɔŋ, enyuŋ edɔhɔ ete, Mbufo esop idem, ndien yak nnyin iduk ke mme obio ibibene.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

EZEKIEL 12:23

Dɔhɔ mmɔ ndien, ete, Ntem ke Ɔbɔŋ Jehovah ɔdɔhɔ, ete, Mmɔŋ nnam ŋke emi etre, ndien mmɔ iditopke aba enye ke Israel; edi dɔhɔ mmɔ, Mme usen ke ekpere, ye uyo kpukpru ŋkukut.

EZEKIEL 21:12

Fiori nyuŋ seme, O eyen owo: koro enye eyedoro ikɔt mi ke idem: enye eyedoro kpukpru mbɔŋ Israel ke idem: emeyak mmɔ enɔ ofut ye ikɔt mi: tuak ndien ifuhi.

EZEKIEL 30:3

Koro usen emekpere, usen Jehovah omonyuŋ ekpere, usen idiɔk enyɔŋ; enye eyedi ini mme idut.

EZEKIEL 33:3

ndien enye ama okut ofut edide ke obio, ndien ofuri ukorowo, onyuŋ asian mbio-obio;

EZEKIEL 33:6

Edi edieke andikpeme okutde ofut edide, ndien mifurike ukorowo, minyuŋ isianke mbio-obio; ndien ofut ama edi edida owo ke otu mmɔ efep, eda enye ke idiɔk ido esie efep; ndien nyebup iyip esie ke ubɔk andikpeme oro.

EZEKIEL 7:10

Se usen: sese, emedi: usiere ɔmɔwɔrɔ: eto emesehe: iseri amasiaha ikɔŋ.

EZEKIEL 7:12

Ini emedi usen emekpere: owo eke edepde ididatke esit; owo eke anyamde idinyuŋ ituaha: koro ifuresit odorode ofuri otu owo esie.

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

DANIEL 9:20

Ndien ke adaŋemi ami nsuk ndɔhɔde ikɔ, nnyuŋ mbɔŋ akam, nnyuŋ ntiŋ idiɔk ido mi, ye mme idiɔk ido oruk mi Israel, nnyuŋ nnim mkpe-ubɔk mi ke iso Jehovah Abasi mi, mbaŋa edisana obot Abasi mi:

HOSEA 5:8

Mbufo efuri obukpoŋ ke Gibeah, efuri ukorowo ke Ramah: esio mkpo ke Beth-aven. “(Se usua) ke edem fo, O Benjamin.”

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

JOEL 2:15

Mbufo efuri ukorowo ke Zion, enim utre-udia, ekwɔrɔ usɔrɔ.

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

JOEL 3:14

Udim! udim! ke itihere ikpe: koro usen Jehovah emekpere ke itihere ikpe.

JOEL 3:17

Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

AMOS 3:6

Nte efuri ukorowo ke obio, ndien mbio-obio inyekke idem? Nte idiɔk-ŋkpɔ odudu ke obio, ke Jehovah minamke?

AMOS 5:18

Ɔdɔdiɔk ɔnɔ mbufo emi eyomde usen Jehovah ke idem mbufo! mbufo esaŋa nso ye usen Jehovah? Enye edi ekim, idige uŋwana.

AMOS 8:2

Ndien enye ɔdɔhɔ ete, Afo okut nso ŋkpɔ, Amos? Ndien mbɔrɔ nte, Edidat mfri ke akpan. Ndien Jehovah ɔdɔhɔ mi, ete, Utit omosim ikɔt mi Israel; ndiyɔhɔ aba mmɔ.

OBADIAH 1:15

Koro usen emi Jehovah edinamde ikɔ ye kpukpru mme idut emekpere: kpa nte afo akanamde, kpa ntre ke edinam ye afo: utip fo eyefiak ɔtɔ fi ke ibuot.

ZEPHANIAH 1:14

Akwa usen Jehovah emekpere, emekpere, eyenyuŋ ɔsɔp eti-eti, uyo usen Jehovah; do ke owo uko atua idiɔk-idiɔk.

ZEPHANIAH 1:16

usen ukorowo ye mkpo ekɔŋ eke eŋwanade ye mme obio ye mme obio ibibene ye mme edikoŋ tower.

ZEPHANIAH 1:7

Dop uyo ke iso Ɔbɔŋ Jehovah: koro usen Jehovah emekpere: koro Jehovah omowuk uwa: omotim mmɔ emi enye okokotde.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

ZECHARIAH 14:1

SESE, usen Jehovah ke edi, ndien mmɔ eyedeme mbume fo ke ufɔt fo.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

NUMBERS 10:2

ndien da mmɔ kot esop, nyuŋ teme, ete ewuhɔre nna.

NUMBERS 10:3

Ndien ke ini efuride mmɔ yak kpukpru owo esop ke ɔtɔ fo ke enyin-usuŋ efe esop.

1 ŊWED CORINTH 14:8

Koro edieke obukpoŋ osiorode uyo eke owo midiɔŋɔke se ɔwɔrɔde, anie editim idem ebeŋe ekɔŋ?

ŊWED MBON PHILIPPI 2:12

Ntre, ndima mi, kpa nte mbufo ekam esukde ibuot enɔ uyo mi kpukpru ini, idige ke ini ndude ye mbufo ikpɔŋ, edi akpan-akpan ke ini mmenduhe ye mbufo, esaŋa ke ndik ye nnyek-idem enam erinyaŋa mbufo ɔwɔrɔ usuŋ;

1 ŊWED THESSALONICA 5:2

Koro mbufo ke idem mbufo emetim efiɔk ete usen Ɔbɔŋ mɔŋ edi nte inɔ ke okoneyo.

JAMES 5:8

Mbufo eme anyan ime ntre ŋko; esɔŋɔ mbufo esit; koro eridi Ɔbɔŋ ke ekpere.

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.

ERIYARARE 6:17

koro akwa usen iyat esit Mmɔ emedi, ndien anie ekeme ndida?