JOEL 1:14 - Edisana ñwed Abasi Ibom

¹⁴ Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

JOEL 1:14 ပူးပေါင်းရင်းမြစ်များ

2 NDIDEM 10:20

Ekem Jehu ɔdɔhɔ ete, Mbufo enim usɔrɔ enɔ Baal. Ndien mmɔ ekwɔrɔ.

2 CHRONICLES 20:13

Ndien ofuri Judah ada ke iso Jehovah, ye ŋkpri nditɔwɔŋ mmɔ, ye iban mmɔ, ye nditɔ mmɔ.

NEHEMIAH 8:18

Ndien enye etiŋ ŋwed ibet Abasi kpukpru usen, toto ke akpa usen tutu osim ke akpatre usen, ndien mmɔ enim usɔrɔ ke ofuri usen itiaba; ndien ke ɔyɔhɔ usen itiaita, mmɔ enim akamba esop nte ekam esinamde.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

JEREMIAH 36:9

Edikem ke ɔyɔhɔ isua Jehoiakim eyen Josiah edidem Judah ition, ke ɔyɔhɔ ɔfiɔŋ usukkiet, kpukpru owo ke Jerusalem, ye kpukpru owo emi etode ke mme obio Judah edi ke Jerusalem, ekwɔrɔ utre-udia ke iso Jehovah.

JOEL 1:2

Mbufo mbiowo ekop uyo mi, mbufo kpukpru mme andiduŋ isɔŋ ekpaŋ utɔŋ ŋko-ŋko. Nte oruk ŋkpɔ nte emi okodu ke eyo mbufo, ye ke eyo mme ete mbufo?

LEVITICUS 23:36

Ke ofuri usen itiaba ke mbufo ediwa uwa ikaŋ enɔ Jehovah; ke ɔyɔhɔ usen itiaita mbufo enim edisana esop, enyuŋ ewa uwa ikaŋ enɔ Jehovah: enye edi usɔrɔ; ekunam baba ubɔk-utom kiet.

JONAH 3:5

Ndien mbio-obio Nineveh enim uyo Abasi ke akpan-ikɔ; ndien mmɔ ewuk utre-udia, enyuŋ esine ɔfɔŋ-ikpo ke idem, ɔtɔŋɔde ke ikpɔ tutu osim ŋkpri.

JONAH 3:8

edi yak owo ye ufene esine ɔfɔŋ-ikpo ke idem, enyuŋ eseme enɔ Abasi ɔkpɔsɔŋ; yak kpukpru owo enyuŋ ekpɔŋ idiɔk ido mmɔ, ye afai eke odude mmɔ ke ubɔk efiak edem.

ZEPHANIAH 2:1

MBUFO esop idem mbufo, enyuŋ ebono, O idut eke mikemeke ndikut but;