JOEL 1:13 - Edisana ñwed Abasi Ibom

¹³ Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 1:13 ပူးပေါင်းရင်းမြစ်များ

2 SAMUEL 12:16

Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

1 NDIDEM 21:27

Edikem adaŋemi Ahab okopde ikɔ emi, enye awai ɔfɔŋ-idem esie, onyuŋ esine ɔfɔŋ ikpo ke idem, onyuŋ etre udia, onyuŋ ɔsuhɔre ana ke ɔfɔŋ-ikpo, ndien asaŋa suŋ-suŋ.

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

EZEKIEL 21:12

Fiori nyuŋ seme, O eyen owo: koro enye eyedoro ikɔt mi ke idem: enye eyedoro kpukpru mbɔŋ Israel ke idem: emeyak mmɔ enɔ ofut ye ikɔt mi: tuak ndien ifuhi.

EZEKIEL 27:31

ndien mmɔ eyenam ibɔ ebaŋa fi, enyuŋ ebɔbɔ ɔfɔŋ-ikpo ke idem, ndien mmɔ eyetua eyet ebaŋa fi ke edidoro esit, ye ke ndot-ndot eseme.

EZEKIEL 7:18

Mmɔ eyebɔbɔ ɔfɔŋ idet ke idem; ndik eyenyuŋ ofuk mmɔ ke idem; but eyenyuŋ ofuk mmɔ kpukpru iso: ibɔ eyenyuŋ odu mmɔ kpukpru ke ibuot.

HOSEA 9:5

Mbufo edinam nso ke usen esop, ye ke usen ederi Jehovah?

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

NUMBERS 28:14

Ndien ediŋwɔŋ uwa mmɔ edidi wine ke qaurt iba ke enaŋ kiet, ye qaurt ye udori ke okukim kiet, ye quart kiet ke eyen erɔŋ kiet: emi edide edifɔp uwa kpukpru ɔfiɔŋ, ke ofuri ɔfiɔŋ isua.

NUMBERS 28:4

Wa eyen erɔŋ kiet ke usenubɔk, nyuŋ wa eyen erɔŋ eken ke mbubreyo:

NUMBERS 28:7

Nyuŋ wa ediŋwɔŋ uwa esie, quart kiet ye eyen erɔŋ kiet: ŋwaŋa wine ke ediŋwɔŋ uwa nɔ Jehovah ke edisana ebiet.

NUMBERS 29:6

ekɔrɔ ke edifɔp uwa, ye inuak-udia esie, ye ediŋwɔŋ uwa mmɔ, nte ido mmɔ asaŋade, ke edinem utebe, uwa ikaŋ Jehovah.

1 ŊWED CORINTH 4:1

YAK owo abat nnyin ntem, ete nnyin idi mme anam-utom Christ ye mme akama-ukpɔhɔre ndibe-ŋkpɔ Abasi.

1 ŊWED CORINTH 9:13

Nte mbufo ifiɔkke ite mmɔ emi enamde utom temple edadia se itode ke temple? mmɔ emi edade mbet itie-uwa ebuana udeme-udia ye itie-uwa?

2 ŊWED CORINTH 11:23

Ntre ke ami ndi. Mmɔ edi mme asaŋa-utom Christ? (ntiŋ nte idat), ami mmasaŋa utom Christ ŋkan mmɔ. Mmanam ɔkpɔsɔŋ utom ŋkan mmɔ: mmodu ke ufɔk-ŋkpɔkɔbi ŋkan mmɔ: mmɔbɔ ufen mbe nde: mmekpere ndikpa ediwak ini.

2 ŊWED CORINTH 3:6

ukeme nnyin oto Abasi; emi okonyuŋ anamde nnyin ikem ndidi mme asaŋa-utom obufa ediomi; emi midige ediomi eke ewetde wet, edi edi ediomi eke ebɔpde ke spirit; koro se ewetde owotde wot, edi spirit ɔnɔnɔ uwem.

2 ŊWED CORINTH 6:4

Edi ke kpukpru usuŋ imowut ite idi ata mme asaŋutom Abasi, ke akwa erime ime, ke ukut, ke mfihe, ke mbaba,

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.