JEREMIAH 9:24 - Edisana ñwed Abasi Ibom

²⁴ edi yak owo eke oburede, obure ke ŋkpɔ emi, ke eritim mfiɔk mi, koro ami Jehovah nnamde mfɔnido, ye ikpe, ye edinen ido ke ererimbot: koro ŋkpɔ emi enemde mi esit: uyo Jehovah edi emi.

JEREMIAH 9:24 ပူးပေါင်းရင်းမြစ်များ

ŊWED MME PSALM 20:7

Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

ŊWED MME PSALM 34:2

Ukpɔŋ mi eyeda Jehovah obure mbure: mbon nsukidem eyekop, enyuŋ edara.

ŊWED MME PSALM 34:3

Mbufo etiene mi ekpono Jehovah, eyak nnyin inyuŋ itoro enyiŋ esie ɔtɔ kiet.

ŊWED MME PSALM 44:8

Nnyin ida Abasi itoro ofuri usen, iyenyuŋ ikɔm enyiŋ fo ke nsinsi. [Selah.]

ŊWED MME PSALM 44:9

Edi afo ɔmɔduɔk, onyuŋ esuene nnyin; udunyuŋ uwɔrɔke ye mbon-ekɔŋ nnyin.

ŊWED MME PSALM 51:1

O ABASI, tua mi mbɔm, nte ima fo edide: sɔhi ndudue mi fep ke ediwak mbɔm fo.

ŊWED MME PSALM 91:14

Koro enye adianade mi, ndien nyanam enye ɔbɔhɔ; nyemenere enye nnim ke enyɔŋ, koro enye ɔfiɔkde enyiŋ mi.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

ISAIAH 20:5

Ndien ndik ye but eyenam mmɔ ebaŋa Ethiopia iberedem mmɔ, ye Egypt ubɔŋ mmɔ.

ISAIAH 41:16

Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

ISAIAH 45:25

Ikpe eyesana ofuri ubon Israel, mmɔ eyenyuŋ ebure ke Jehovah.

ISAIAH 61:8

Koro ami Jehovah mmama ikpe, nsasua se edade ke ŋwo; ndien ami nyenɔ mmɔ ŋkpɔ eyen-utom mmɔ ke akpanikɔ, nnyuŋ ndiomi nsinsi ediomi ye mmɔ.

JEREMIAH 22:16

Enye ekebiere ikpe eyen unana ye eyen ubuene; ndien ɔfɔn; nte oro idige ndifiɔk mi? Jehovah ɔdɔhɔ.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

1 ŊWED CORINTH 1:31

man osu, nte ewetde ete, Owo eke oburede mbure, yak obure ke Ɔbɔŋ.

2 ŊWED CORINTH 10:17

Yak owo emi oburede mbure obure ke Ɔbɔŋ.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

ŊWED MBON GALATIA 6:14

Edi nsa mi ndibure mbure, ibɔhɔke ke cross Ɔbɔŋ nnyin Jesus Christ, emi ekɔŋde ererimbot do ewot enɔ mi, enyuŋ ekɔŋde mi do ewot enɔ ererimbot.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.