JEREMIAH 9:23 - Edisana ñwed Abasi Ibom

²³ Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

JEREMIAH 9:23 ပူးပေါင်းရင်းမြစ်များ

ŊWED JOB 32:13

“Nnyin imekut ifiɔk. Ke edi Abasi akan enye, ke idige owo.”

ŊWED JOB 41:15

Mkpɔsɔŋ mkpɔk esie edi ubɔŋ: esire nte edidiana seal.

ŊWED MME PSALM 33:5

Enye amama eti ido ye edinen ikpe: ima Jehovah ɔyɔhɔ ke ererimbot.

ŊWED MME PSALM 34:3

Mbufo etiene mi ekpono Jehovah, eyak nnyin inyuŋ itoro enyiŋ esie ɔtɔ kiet.

ŊWED MME PSALM 44:9

Edi afo ɔmɔduɔk, onyuŋ esuene nnyin; udunyuŋ uwɔrɔke ye mbon-ekɔŋ nnyin.

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

MME ŊKE 3:5

Buɔt idem fo ye Jehovah ke ofuri esit fo; ndien kuberi edem ke asian fo.

ECCLESIASTES 2:19

Ndien anie ɔfɔfiɔk mme enye edidi owo eti ibuot, mme edidi owo ndisime? Edi enye eyekara ofuri ɔkpɔsɔŋ utom mi emi ŋkadade eti ibuot nnam ke idak utin: emi onyuŋ edi ikpikpu ŋko.

ECCLESIASTES 9:11

Ntie ke idak utin ŋkabare, nnyuŋ ŋkut nte ke idige mbon nsɔp-itɔk ekan ke mbuba, inyuŋ idige mbon-uko ekan ke ekɔŋ, nte ke idige mbon eti ibuot enyene udia, inyuŋ idige mbon ikike ekut inyene, inyuŋ idige mme ɔfiɔkŋkpɔ owo enyene itoro: koro ini ye unɔmɔ etibede enɔ mmɔ kpukpru.

ISAIAH 10:8

Koro enye eyedɔhɔ, ete, Nte ikpɔ owo emi idige ndidem ŋko-ŋko?

ISAIAH 20:5

Ndien ndik ye but eyenam mmɔ ebaŋa Ethiopia iberedem mmɔ, ye Egypt ubɔŋ mmɔ.

ISAIAH 47:10

Ndien afo ɔbuɔt idem fo ke idiɔk ido fo; ɔdɔhɔ ete, Baba kiet ikwe mi. Ikike fo ye ifiɔk fo ekwaŋa fi; afo onyuŋ ɔdɔhɔ ke esit fo, ete, Ami ndu, ndien efen iduhe.

ISAIAH 5:21

Ifɔnke fɔn inɔ mmɔ eke esede idem mmɔ ke mbon eti ibuot, enyuŋ ebatde idem mmɔ ke ɔniɔŋ.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 48:14

Mbufo enam didie edɔhɔ ete, Nnyin idi mbon uko ye mkpɔsɔŋ owo ke ekɔŋ?

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

JEREMIAH 49:4

Nsinam afo oburede mbure ke mme-ebedeŋ? Ebedeŋ fo ɔfiɔrɔ, O eyen-aŋwan mfiakedem! emi ɔbuɔtde idem ke inyene esie, ete, Anie edisim mi?

EZEKIEL 29:9

Ndien isɔŋ Egypt eyekabare edi ndon ye ŋwure, ndien mmɔ eyefiɔk ete ke ami ndi Jehovah; koro enye ɔdɔhɔde, ete, Akpa edi okimmɔ, ami ŋkonyuŋ nnam.

EZEKIEL 7:19

Mmɔ eyemen silver mmɔ eduɔk ke esien; gold mmɔ eyenyuŋ akabare edi ndek: silver mmɔ ye gold mmɔ idikemeke ndinyaŋa mmɔ ke usen ifuresit Jehovah: mmɔ idiyuhɔke ukpɔŋ mmɔ, ŋkpɔ idinyuŋ iyɔhɔke mmɔ ke idibi: koro enye edide ŋkpɔ iduɔ idiɔk ido mmɔ.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

MARK 10:24

Edi idem akpa mbet ke ikɔ Esie. Edi Jesus ɔtɔŋɔ ntak ɔbɔrɔ, onyuŋ ɔdɔhɔ mmɔ ete, Nditɔ, ɔsɔŋ adaŋa didie ye mmɔ eke ebuɔtde idem ke inyene ndiduk ke Obio Ubɔŋ Abasi.

ŊWED MBON ROME 1:22

Mmɔ ete mme imɔ idi mme enyene-ibuot owo,

1 ŊWED CORINTH 1:31

man osu, nte ewetde ete, Owo eke oburede mbure, yak obure ke Ɔbɔŋ.

DEUTERONOMY 8:17

mbak afo edidɔhɔ ke esit fo, ndien, ete, ke odudu fo ye ŋsɔŋubɔk fo ke ekekɔ kpukpru inyene emi enɔ imɔ.

ŊWED MBON PHILIPPI 3:10

Man ŋkpɔfiɔk Enye ye odudu eriset Esie ke udi, ye nsaŋa ke ndutuhɔ Esie, nnyuŋ ŋkabare ŋkpa mkpa eke ebietde mkpa Esie;

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

1ŊWED TIMOTHY 6:10

Koro itɔŋ inyene edi oruŋ kpukpru oruk mme idiɔk-ŋkpɔ; ndien ke erinyanare mbine enye, ndusuk owo ema eyo ekpɔŋ mbuɔtidem, enyuŋ eda ediwak mfuhɔ enɔ idem mmɔ unan.

1 SAMUEL 17:42

Ndien adaŋemi Philistine oro etiŋde enyin okut David, enye ese enye ke mbio; koro enye edide akparawa. Ndien enye oyibe onyuŋ eye iso.