JEREMIAH 9:2 - Edisana ñwed Abasi Ibom

² Ŋkpakam nnyene ataya mbon-isaŋ ke desert; ndien ŋkpɔkpɔŋ ikɔt mi, nnyuŋ ndaha ke ebiet mmɔ: koro kpukpru mmɔ edide mme esin efibe, ye esop mbon abiaŋa.

JEREMIAH 9:2 ပူးပေါင်းရင်းမြစ်များ

ISAIAH 59:3

Koro iyip asabarede mbufo ubɔk, idiɔk ido onyuŋ asabare mbufo nnuenubɔk; mkpɔk-inua mbufo ededɔhɔ nsu, edeme mbufo etetiŋ ukwaŋ-ŋkpɔ.

JEREMIAH 12:1

O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?

JEREMIAH 12:6

Koro nditɔ-usɔ ye ufɔk usɔ, kpa mmɔ ebiaŋade fi; enyuŋ efiori ekot fi ɔkpɔsɔŋ; kunim uyo mmɔ ke akpanikɔ: koro mmɔ edɔhɔde eti ikɔ ye afo.

JEREMIAH 13:22

Ndien emi afo ɔdɔhɔde ke esit fo, ete, “Nsinam ŋkpɔ emi etienede mi?” Uwak mme idiɔk ido fo esin efuhɔre ɔfɔŋ-idem fo, enyuŋ eyarare fi nditiŋ-ikpat.

JEREMIAH 23:10

Koro mme esin-efibe eyɔhɔde ke isɔŋ; koro isɔŋ atuade abaŋa isuŋi; mbiet wilderness emesat, ndien ido mmɔ ɔdiɔk, odudu mmɔ inyuŋ inenke.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 5:1

MBUFO ekanare mme efak Jerusalem, enyuŋ ese, enyuŋ efiɔk, enyuŋ eyom ke mme aŋwa esie, Mbufo ema ekut owo, owo eke anamde edinen ido, onyuŋ oyomde akpanikɔ, ama odu, ndien nyedahado nnɔ enye.

JEREMIAH 5:11

Koro ufɔk Israel ye ufɔk Judah emenam abiaŋa ye ami eti-eti: uyo Jehovah edi emi.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

HOSEA 6:7

Ndien mmɔ ebiet owo, ke ebiat ediomi: do ke mmɔ ekebiaŋa mi.

HOSEA 7:4

Kpukpru mmɔ edi mbon efibe, ebiet usaŋ-uyo eke anam-uyo abarade. Enye etre ndidemere ikaŋ, toto ke ini emi enye obuende ebok, tutu ebok ofut.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

ZEPHANIAH 3:4

Mme prophet esie edi mbon ŋkimidem ye mbon mbubik; mme oku eise esabare edisana ŋkpɔ: mmɔ ebiat ibet.

MALACHI 2:11

Judah anam abiaŋa, owo enyuŋ enam mbubiam ke Israel ye ke Jerusalem; koro Judah amabiat edisana ŋkpɔ Jehovah emi enye amade, onyuŋ ɔdɔ eyen esen abasi kiet.

MALACHI 2:14

Koro Jehovah edide ntiense ke ufɔt fo ye ŋwan uyen fo, emi afo abiaŋade enye, okposuk edi nte enye edi nsaŋa fo ye ŋwan ediomi fo.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

JUDGES 2:10

Ekem ofuri emana oro enyuŋ ebono ye mme ete mmɔ. Ndien emana efen emi mifiɔkke Jehovah, minyuŋ ifiɔkke ŋkpɔ emi enye akanamde ɔnɔ Israel, etiene mmɔ edem edaha eda.