JEREMIAH 9:11 - Edisana ñwed Abasi Ibom

¹¹ Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

JEREMIAH 9:11 ပူးပေါင်းရင်းမြစ်များ

NEHEMIAH 4:2

Enye onyuŋ ɔdɔhɔ ke iso nditɔ-ete esie, ye mbon-ekɔŋ Samaria, ete, Mbukpo Jew emi ke enam nso? Nte ediyak mmɔ? Mme mmɔ ediwa uwa? Mme mmɔ edinam ema ke usen kiet? Nte mmɔ edidemere itiat esioŋo ke ibombom ntan, ndien mmɔ ema eta ikaŋ?

ŊWED MME PSALM 107:43

Owo ekededi eke enyenede ibuot eyetiŋ enyin ke ŋkpɔ emi, eyenyuŋ ekere ima Jehovah.

ŊWED MME PSALM 44:19

eke ekpesinde fi anuak nnyin ke ebiet mme idiɔk unam, onyuŋ ofuk nnyin ke mfut mkpa.

ŊWED MME PSALM 79:1

O ABASI, mme idut emeduk ke udeme fo; mmɔ emebiat edisana temple fo; emenim Jerusalem ke ibombom.

ISAIAH 13:22

Ndien mme wolf eyetuaŋa ke ikpɔ ufɔk esie; mme jackal eyetuaŋa ke mme temple inemesit: ndien ini esie emekpere ndidi, usen esie idinyuŋ ibigike.

ISAIAH 25:2

Koro afo amakabare obio onim ke ibom-bom; onim obio ibibene ke ŋwure: onim akwa ufɔk isen owo, ete okudi aba obio; ididiɔŋke enye ke nsinsi.

ISAIAH 34:13

Ndien ŋkukim eyekɔri ke ikpɔ ufɔk esiemɔ, mbarekpe ye akpap, ke mkpɔsɔŋ ebiet esie. Enye eyenyuŋ edi iduŋ mme wolf, ye okure mme jackal.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

JEREMIAH 1:15

Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

JEREMIAH 10:22

Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?

JEREMIAH 25:11

Ofuri obio emi eyenyuŋ ekabare edi se esobode enyuŋ ebiatde; ndien mme idut emi eyenam ŋkpɔ edidem Babylon ke ofuri isua ata ye duop.

JEREMIAH 25:18

nnɔ Jerusalem, ye mme obio Judah, ye ndidem mmɔ, ye mbɔŋ mmɔ, man nnim mmɔ ke ŋkpɔ ŋwure, ye nsobo, ye nsi, ye isuŋi; kpa nte mfin emi;

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 26:9

Nsinam afo etiŋde prophecy ke enyiŋ Jehovah, ete, Ufɔk emi eyebiet Shiloh, obio emi eyenyuŋ abiara, tutu owo eke oduŋde iduhe? Ndien kpukpru owo esop idem enam ikɔ ye Jeremiah ke ufɔk Jehovah.

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

JEREMIAH 44:2

Ntem ke Jehovah mme udim Abasi Israel ɔdɔhɔ, ete, Mbufo emekut ofuri idiɔk-ŋkpɔ oro ŋkadade ntiene Jerusalem, ye kpukpru mme obio Judah; ndien, sese, mmɔ ebiara mfin, baba owo kiet eke oduŋde mmɔ ke esit inyuŋ iduhe,

JEREMIAH 49:33

Ndien Hazor eyekabare edi iduŋ jackal, ye ndobo ke nsinsi: owo ididuŋke do, eyen owo idinyuŋ idaŋke ke esit.

JEREMIAH 50:3

Koro idut otode ke edem edere ɔdɔk edi ekɔŋ ye enye, enye eyenam isɔŋ esie edi ndon, ndien baba owo kiet eke oduŋde ke esit ididuhe: owo ye ufene emefeŋe, emedaŋa.

JEREMIAH 51:37

Ndien Babylon eyekabare edi ibombom ibombom, ye iduŋ mme dragon, ye ŋkpɔ mkpa-idem, ye ŋkpɔ nsi, eke baba owo kiet eke oduŋde miduhe.

JEREMIAH 8:22

Nte baba balsam iduhe ke Gilead? Nte baba abia-ibɔk iduhe do? Nsinam ndien mibɔpke unan adiaha ikɔt mi?

ŊWED ESEME 1:4

Ɔkpɔ-usuŋ Zion etuaŋa, koro baba owo kiet midige ke ederi: kpukpru inua otop esie emebiara, mme oku esie eseme, nditɔ-iban esie etie ke mfuhɔ, ŋkpɔ onyuŋ odoro enye.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

ŊWED ESEME 3:47

Ndik ye afia emesim nnyin, nsobo ye ŋwure.

LEVITICUS 26:32

Ami nyenyuŋ nnam isɔŋ odobo; ndien oro eyesin idem akpa mme asua mbufo eke eduŋde ke esit.

MICAH 1:6

Ndien nyenim Samaria nte ibombom ke ikɔt, ye ke ebiet eke etɔde iŋwaŋ-vine: nyenyuŋ ŋŋwaŋa mme itiat esie nsin ke ebedeŋ, nnyuŋ mfuhɔre ebiet emi enye adade ke esit.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie:

ERIYARARE 18:2

Ndien enye ofiori ke ɔkpɔsɔŋ uyo ete, Akwa Babylon ɔmɔduɔ, ɔmɔduɔ, omonyuŋ akabare edi iduŋ mme demon, ye itie udibe kpukpru spirit ndek, ye itie-udibe kpukpru ndidehe inuen eke owo esuade: