JEREMIAH 9:10 - Edisana ñwed Abasi Ibom

¹⁰ Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:10 ပူးပေါင်းရင်းမြစ်များ

ISAIAH 41:15

Sese, mmonim fi ke ukpat-ŋkpɔ ubek ibokpot eke ɔsɔpde, edi obufa, enyene ediwak iso: afo eyetim ikpɔ obot, onyuŋ anuak mmɔ emem; eyenyuŋ onim ŋkpri obot nte mbio ibokpot.

ISAIAH 49:19

Koro mme ebiet fo emi ewurede enyuŋ esomode, ye isɔŋ fo emi abiarade, eyefaha ke emi ekan mme andiduŋ; mmɔ eke ediade fi eyenyuŋ eyom usuŋ.

JEREMIAH 12:10

Ediwak mme ekpemerɔŋ emebiat iŋwaŋ-vine mi, emedigi udeme mi ke ukot, emenim edinem udeme mi ke desert nditaha.

JEREMIAH 12:11

Emenim enye ke ŋkpɔ nditaha, enye omosobo, atua ɔnɔ mi; ofuri isɔŋ amabiara, koro baba owo kiet eke ekerede ke esit miduhe.

JEREMIAH 12:4

Adaŋa didie ke isɔŋ editua, mbiet kpukpru iŋwaŋ edinyuŋ asat, abaŋa mme idiɔk ido mmɔ eke eduŋde ke esit? Mme unam ye inuen emesobo: koro mmɔ ekedɔhɔde ete, Baba owo kiet idikwe utit nnyin.

JEREMIAH 14:6

Mme ass ikɔt enyuŋ eda ke enyɔŋ obot, eŋwine ofum nte jackal. Enyin okim mmɔ, koro mbiet miduhe.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

JEREMIAH 23:10

Koro mme esin-efibe eyɔhɔde ke isɔŋ; koro isɔŋ atuade abaŋa isuŋi; mbiet wilderness emesat, ndien ido mmɔ ɔdiɔk, odudu mmɔ inyuŋ inenke.

JEREMIAH 50:3

Koro idut otode ke edem edere ɔdɔk edi ekɔŋ ye enye, enye eyenam isɔŋ esie edi ndon, ndien baba owo kiet eke oduŋde ke esit ididuhe: owo ye ufene emefeŋe, emedaŋa.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

JEREMIAH 8:18

Inemesit emi odude mi ke idem edi mfuhɔ, esit etie mi udɔŋɔ-udɔŋɔ.

ŊWED ESEME 1:16

Ŋkpɔ emi esin mi ntua eyet; enyin mi, enyin mi ayak mmɔŋ ɔsuhɔre, koro andidɔŋ mi esit ye owo eke edemerede mi esit ɔkpɔŋde mi anyan usuŋ: nditɔ mi emesobo koro asua akande.

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

ŊWED ESEME 5:18

Mme fox esaŋa ke enyɔŋ obot Zion, koro enye osobode.

EZEKIEL 14:15

Edieke nnamde mme idiɔk unam esaŋa ke isɔŋ ebe, ndien mmɔ ebiet enye, ndien anana owo, onyuŋ akabare edi ndobo: koro mme unam miyakke owo asaŋa ebe:

EZEKIEL 27:2

men ndien ikwɔ eseme baŋa Tyre;

EZEKIEL 29:11

Ndien ukot owo idisaŋake ke esit ibe, ukot enaŋ idinyuŋ isaŋake ke esit ibe, owo idinyuŋ iduŋke enye ke ofuri isua aba.

EZEKIEL 33:28

Ndien mmɔŋ nnam isɔŋ edi ndon ye nditaha, nnyuŋ nnam iseri odudu esie etre; ndien ikpɔ obot Israel eyena ikpikpu, baba owo kiet idinyuŋ isaŋake ibe.

EZEKIEL 6:6

Mme obio eyewure ke kpukpru ebiet iduŋ mbufo, ŋkokoŋo ebiet eyenyuŋ ebiara, man mme itie-uwa mbufo ekpesobo, enyuŋ edi ndon, mme ibɔk mbufo enyuŋ enuaha enyuŋ ekure, man mbiet ŋkpɔ mbufo esiaha, man enyuŋ esɔhi utom mbufo efep.

HOSEA 4:3

Mmɔdo isɔŋ eyetua eyet, kpukpru mmɔ eke eduŋde ke esit eyenyuŋ eyemere, ye mme unam ikɔt, ye mme inuen enyɔŋ; ndien eyenyuŋ emen iyak ke inyaŋ efep.

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 1:19

Nyeseme ŋkot fi, O Jehovah: koro ikaŋ atade mbiet wilderness, edem-ikaŋ onyuŋ ɔfɔp kpukpru eto obot iŋwaŋ.

AMOS 5:1

MBUFO ekop uyo emi ami mmende ntiŋ mbaŋa mbufo, kpa ikwɔ eseme, O ufɔk Israel.

AMOS 5:16

Mmɔdo ntem ke Jehovah Abasi mme udim, Ɔbɔŋ, ɔdɔhɔ, ete, Ntuaŋa odu ke kpukpru mme aŋwa; mmɔ enyuŋ edɔhɔ, ete, “Mbɔm! mbɔm!” ke kpukpru efak; mbufo ekot mbio iŋwaŋ edi eseme, enyuŋ ekot mmɔ eke efiɔkde ikwɔ edi ntuaŋa.

MICAH 2:4

Ke usen oro owo eyetop ŋke abaŋa mbufo, onyuŋ eseme ata eseme mbɔm, ɔdɔhɔ ete, Nnyin imabiara kpukpru: enye ɔkpuhɔre udeme ikɔt nnyin: enye anam didie adaha ɔkpɔŋ mi? onyuŋ edeme iŋwaŋ nnyin ɔnɔ owo nsɔŋ ibuot.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.