JEREMIAH 8:14 - Edisana ñwed Abasi Ibom

¹⁴ “Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

JEREMIAH 8:14 ပူးပေါင်းရင်းမြစ်များ

2 SAMUEL 20:6

Ndien David ɔdɔhɔ Abishai, ete, Ke emi Sheba eyen Bichri eyenam nnyin idiɔk akan Absalom: afo da ikɔt usɔ kebine enye, mbak enye edisim obio ibibene, onyuŋ osio nnyin enyin.

ŊWED MME PSALM 39:2

Ntie imum nnyuŋ ndop, ŋkubi inua mi ŋkpɔŋ se ifɔnde; ubiak mi onyuŋ edemere.

ŊWED MME PSALM 69:21

Ndien mmɔ enɔ etidot ke udia mi; enyuŋ enɔ mi vinegar ŋŋwɔŋ ke nsatitɔŋ mi.

ISAIAH 47:5

O Adiaha mme Chaldean, tie ke ndobo, nyuŋ duk ke ekim: koro mmɔ midikotke aba fi, ite, Ɔbɔŋ aŋwan ekondo.

JEREMIAH 14:20

nnyin idori enyin ke emem, ndien eti ŋkpɔ iduhe: idori enyin ke ini ukɔk, ndien, sese, akwa ndik! Nnyin imɔdiɔŋɔ mme idiɔk ido nnyin, O Jehovah, ye mme ukwaŋ-ŋkpɔ mme ete nnyin: koro nnyin imanam idiɔk ye afo.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

JEREMIAH 23:15

Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

JEREMIAH 35:11

Edikem ke ini Nebuchadrezzar edidem Babylon ɔdɔkde edi ke edem emi, nnyin idɔhɔ, ite, Yak nnyin ika Jerusalem, ibak mbon-ekɔŋ Babylon, ibak mbon-ekɔŋ Syrian ŋko: ntem ke nnyin iduŋ ke Jerusalem.

JEREMIAH 9:14

edi mmɔ etiene itun esit mmɔ, ye Baalim eke mme ete mmɔ ekekpepde mmɔ;

JEREMIAH 9:15

mmɔdo ntem ke Jehovah mme udim, Abasi Israel ɔdɔhɔ, ete, Sese, ami nyenɔ mbio emi ndot-ndot ikɔŋ eta, nnyuŋ nnɔ mmɔ mmɔŋ etidot eŋwɔŋ.

ŊWED ESEME 3:19

Ti ukut mi ye ndutuhɔ mi, ndot-ndot ikɔŋ ye etidot.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

AMOS 6:10

Ndien ufan esie kpa owo eke ɔfɔpde enye eyemen enye, onyuŋ osio mme ɔkpɔ ke ufɔk efep. Ndien enye eyedɔhɔ owo eke odude ke ata esit ufɔk oro, ete, Nte owo eŋwen osuk odu ye afo? Ndien enye eyedɔhɔ, ete, Omokure. Ndien enye eye-dɔhɔ ŋko, ete, Dop, koro midige nte etiŋde enyiŋ Jehovah.

HABAKKUK 2:20

baba ibifik inyuŋ iduhe enye ke esit. Ndien Jehovah odu ke edisana temple esie: ofuri ererimbot, dop uyo ke iso esie.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

MATTHEW 27:34

enɔ Enye wine emi abuahade ye etidot, ɔŋwɔŋ; edi ke ini Enye atabide enye, iŋwɔŋke.

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

DEUTERONOMY 32:32

Koro vine mmɔ okotode ke vine Sodom, ye ke iŋwaŋ vine Gomorrah: mfri vine mmɔ edi mfri ibɔk ubio, mme etuek mmɔ ededoro: