JEREMIAH 8:13 - Edisana ñwed Abasi Ibom

¹³ Ke edi Jehovah ɔdɔhɔ. Jehovah ɔdɔhɔ ete, Nyesobo mmɔ eti-eti; baba mfri ididuhe ke vine, baba fig idinyuŋ iduhe ke eto fig, ikɔŋ eyenyuŋ eyemere: ndien nyeda mmɔ nnɔ mmɔ eke esaŋade ebe mmɔ.

JEREMIAH 8:13 ပူးပေါင်းရင်းမြစ်များ

ISAIAH 5:10

Koro iŋwaŋ-vine eke enaŋ iba-iba ke itie duop efuŋde, ewɔrɔ abaŋ kiet, mkpasip ke homer kiet eyenyuŋ anam ephah.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

JEREMIAH 14:15

Mmɔdo ntem ke Jehovah ɔdɔhɔ abaŋa mme prophet emi etiŋde prophecy ke enyiŋ mi, ndien ami ndɔŋke mmɔ utom, mmɔ enyuŋ edɔhɔ ete, ke baba ofut ye akaŋ ididuhe ke isɔŋ emi; mme prophet oro eyetak ke ofut ye ke akaŋ.

JEREMIAH 17:8

Ŋkɔm enye eyebiet eto eke etɔde ke mben mmɔŋ, eke otopde oruŋ esie ke mben akpa, idinyuŋ ikwe ini eke ufiop edide, edi ikɔŋ esie eyedi awawa; idinyuŋ ifeheke ndik ke isua eke eyo adade, idinyuŋ itreke ndiŋwum mfri.

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

EZEKIEL 22:31

Ndien ŋŋwaŋa mmɔ ikpahaesit mi ke idem; nnyuŋ nsobo mmɔ ke ifuresit mi; nnyuŋ nda usuŋ mmɔ ndori mmɔ ke ibuot. Uyo Ɔbɔŋ Jehovah edi emi.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

JOEL 1:7

Enye abiat vine mi, onyuŋ obuŋ eto fig mi: osio enye ofuri ikpɔk, onyuŋ emen ɔduɔk; mmɔ enam ŋkɔk esie efia.

LEVITICUS 26:20

Ndien ŋko nyema odudu mbufo ke ikpikpu: isɔŋ mbufo idinyuŋ inɔŋɔ mbufo eduek, eto iŋwaŋ idinyuŋ iŋwumke mfri mmɔ.

HABAKKUK 3:17

Koro eto fig midiseheke, baba mfri midinyuŋ iduhe ke mme vine: mbuŋwum olive eyenyuŋ okpu, iŋwaŋ idi-nyuŋ idukke udia; ŋkpri ufene eyetre ke ebiet ufene, baba enaŋ kiet idinyuŋ iduhe ke ufɔk enaŋ.

HAGGAI 1:11

Ami nnyuŋ ŋkot nda-eyo, nte anam isɔŋ, ye ikpɔ obot, ye ibokpot, ye obufa wine, ye aran, ye se isɔŋ odukde, ye owo, ye ufene, ye ofuri utom ubɔk owo.

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

MALACHI 3:11

Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

JAMES 1:11

Koro utin asiahade asaŋa ye ufiop-ufiop ofim ɔfɔp mbiet; ndien ndiye ikɔŋ esie ekibe eduɔŋɔ, uyai mmɔ onyuŋ abiara: ntre ke owo inyene edinyuŋ eyemere ke mbubine esie.