JEREMIAH 8:10 - Edisana ñwed Abasi Ibom

¹⁰ Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

JEREMIAH 8:10 ပူးပေါင်းရင်းမြစ်များ

ŊWED JOB 31:10

Yak ŋwan mi ɔkɔk ɔnɔ owo eŋwen, owo eŋwen enyuŋ efiɔk enye.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

ISAIAH 57:17

Ŋkayat esit mbaŋa idiɔk mbumek esie, nnyuŋ mmiŋa enye: ŋkedibe nnyuŋ nyat esit: ndien enye asaŋa akabare akabare ke usuŋ esit esiemɔ.

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

JEREMIAH 17:11

Kpa nte nduduɔk ɔkubɔde nsen, ndien mibotke; kpa ntre ke owo eke ɔkɔde inyene ke usuŋ eke minenke, edikpɔŋ mmɔ ke ufɔt mme usen esie, ndien ke utit esie enye eyekabare edi ndisime.

JEREMIAH 22:17

Edi enyin fo ye esit fo isehe baba ŋkpɔ kiet ke mibɔhɔke udori fo, ye iyip owo eke miduehe isop, ete iduɔk enye, ke mibɔhɔke utuk ye nnama, ete inam mmɔ.

JEREMIAH 32:32

mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.

JEREMIAH 38:22

“Ndien, sese, eyeda kpukpru iban emi esuhɔde ke ufɔk edidem Judah ewɔrɔ esɔk ikpɔ owo edidem Babylon: ndien iban oro eyedɔhɔ ete, ‘Mme ufan fo ekesin fi anam ntem, ekenyuŋ ekan fi: ukot fo emebuhɔ ke mbat, enyuŋ efiak edem.’

JEREMIAH 42:1

NDIEN kpukpru mbɔŋ udim-ekɔŋ, ye Johanan eyen Kareah, ye Jezaniah eyen Hoshaiah, ye kpukpru owo, nkpri ye ikpɔ, esaŋa ekpere,

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

ŊWED ESEME 4:13

Mme idiɔk ido mme prophet esie, mme ukwaŋ-ŋkpɔ mme oku esie, eke ekeduɔkde iyip mme andinen owo ke ufɔt esie,

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

MICAH 2:4

Ke usen oro owo eyetop ŋke abaŋa mbufo, onyuŋ eseme ata eseme mbɔm, ɔdɔhɔ ete, Nnyin imabiara kpukpru: enye ɔkpuhɔre udeme ikɔt nnyin: enye anam didie adaha ɔkpɔŋ mi? onyuŋ edeme iŋwaŋ nnyin ɔnɔ owo nsɔŋ ibuot.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

HABAKKUK 1:6

Koro, sese, ami mmɔŋ ndemere mme Chaldean, ndot-ndot ye owowo idut oro asaŋade ke ntaŋwaŋ ebiet ererimbot, ndida ebiet iduŋ emi minyeneke enye.

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

TITUS 1:7

Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.