JEREMIAH 8:1 - Edisana ñwed Abasi Ibom

¹ JEHOVAH ɔdɔhɔ ete, Ke ini oro mmɔ eyesioŋo mme ɔkpɔ ndidem Judah ye mme ɔkpɔ mbɔŋ mmɔ, ye mme ɔkpɔ mme oku, ye mme ɔkpɔ mme prophet, ye mme ɔkpɔ mme andiduŋ Jerusalem ke mme udi mmɔ efep:

JEREMIAH 8:1 ပူးပေါင်းရင်းမြစ်များ

1 NDIDEM 13:2

Ndien enye ada uyo Jehovah ofiori okot itie-uwa oro, ete, O itie-uwa! ntem ke Jehovah ɔdɔhɔ ete; Sese, eyen kiet, ekere Josiah, eyemana ɔnɔ ufɔk David; ndien enye eyeda mme oku edikoŋ ebiet eke efɔpde incense ke esit, awa fi ke enyɔŋ; ndien mme ɔkpɔ owo eyefɔbɔ fi ke enyɔŋ.

2 NDIDEM 23:16

Ndien Josiah akabare ese mme udi emi edude do ke obot, ndien ɔdɔŋ ekesioŋo mme ɔkpɔ ke mme udi oro, ada mmɔ efɔp ke mme itie-uwa oro, onyuŋ asabare enye, ekem ke uyo Jehovah oro owo Abasi ɔkɔkwɔrɔde, emi ɔkɔkwɔrɔde ŋkpɔ emi.

2 NDIDEM 23:20

Enye onyuŋ ada kpukpru oku edikoŋ ebiet eke edude do, owot ke mme itie-uwa oro, onyuŋ ɔfɔp mme ɔkpɔ owo ke esit, ndien ɔnyɔŋ ke Jerusalem.

2 NDIDEM 9:37

okpo Jezebel eyenyuŋ etie nte ifum ke iso ntan-isɔŋ ke iŋwaŋ Jezreel; ntre ke mmɔ ididɔhɔke ite, Emi edi Jezebel.

ŊWED MME PSALM 53:5

Mmɔ ekefehe ndik do eke ŋkpɔ ndik miduhe: koro Abasi asuande mme ɔkpɔ mmɔ emi ekande fi ekuk: afo emesin but anam mmɔ: koro Abasi emende mmɔ ɔduɔk.

JEREMIAH 14:16

Ndien ama edi mbio emi mmɔ etiŋde prophecy enɔ mmɔ, ofut ye akaŋ eyesin mmɔ eduɔŋɔ ke mme efak Jerusalem: ndien idikwe owo eke edibukde mmɔ, kpa mmɔ, ye iban mmɔ, ye nditɔ-iren mmɔ, ye nditɔ-iban mmɔ: ndien nyeda idiɔk ido mmɔ ŋwaŋa mmɔ ke idem.

EZEKIEL 37:1

UBƆK Jehovah odoro mi ke idem onyuŋ emen mi ke spirit Jehovah ɔwɔrɔ eketem ke ufɔt itihere: ndien ɔkpɔ-ɔkpɔ eyɔhɔ ke esit.

EZEKIEL 6:4

Mme itie-uwa mbufo eyenyuŋ esobo, mbiet mbufo eyenyuŋ enuaha, nyenyuŋ mmen owo mbufo eke ekpaŋade afai nduɔk ke iso mme ibɔk mbufo.

EZEKIEL 6:5

Nyenyuŋ nda mme okpo nditɔ Israel nnim ke iso mme ibɔk mmɔ: nnyuŋ nsuan mme ɔkpɔ mbufo ŋkan mme itie-uwa mbufo ŋkuk.

AMOS 2:1

NTEM ke Jehovah ɔdɔhɔ, ete, Idiɔk ido Moab ita ye inaŋ iyakke mi ŋkabare enye (ufen) mfep: koro mmɔ ekefɔpde mme ɔkpɔ ndidem Edom enam ndom.