JEREMIAH 7:9 - Edisana ñwed Abasi Ibom

⁹ Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

JEREMIAH 7:9 ပူးပေါင်းရင်းမြစ်များ

1 NDIDEM 18:21

Ekem Elijah oto edi editiene mbon oro, ndien ɔdɔhɔ, ete, Adaŋa didie ke mbufo esɔk ukot ke edem mbiba? Edieke Jehovah edide Abasi, mbufo etiene enye: edi ama edi Baal, etiene enye. Edi mbon oro ibɔrɔke enye baba ikɔ kiet.

EXODUS 20:3

Kunyene abasi efen ukɔrɔ ye ami.

ISAIAH 1:13

Mbufo ekuda aba uwa nsu edi; mmese incense ke ŋkpɔ mbubiam; kpa ntre ke nse ɔfiɔŋ, ye sabbath, ye erikot esop: ŋkwe nte nyɔde idiɔk ido ye ederi.

ISAIAH 58:2

Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.

JEREMIAH 1:16

Ndien nyetiŋ ikpe mi ye mmɔ, mbaŋa ofuri idiɔk ido mmɔ: koro mmɔ ekpɔŋde mi, enyuŋ efɔpde incense enɔ abasi efen, enyuŋ etuakde ibuot enɔ se ubɔk mmɔ ekenamde.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 11:17

Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

JEREMIAH 44:3

ebaŋa idiɔk ido oro mmɔ ekenamde, ke eriyat mi esit, nnyuŋ ŋka ŋkɔfɔp ŋkpɔ, nnyuŋ nnam ŋkpɔ nnɔ abasi efen, eke mmɔ ye mbufo ye mme ete mbufo mikɔfiɔkke.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 44:9

Nte mbufo emefre mme idiɔk ido mme ete mbufo, ye mme idiɔk ido ndidem Judah, ye mme idiɔk ido iban mmɔ, ye mme idiɔk ido idem mbufo, ye mme idiɔk ido iban mbufo, emi mmɔ ekenamde ke isɔŋ Judah ye ke mme efak Jerusalem?

JEREMIAH 48:35

Jehovah onyuŋ ɔdɔhɔ, ete, Nyenam owo eke awade uwa ke ibombom, ye eke ɔfɔpde ŋkpɔ ɔnɔ mme abasi esie etre ke Moab.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

JEREMIAH 7:6

edieke mbufo mitukke esen owo, ye eyen-akpa, ye ebe-akpa, minyuŋ iduɔkke iyip owo eke miduehe isop ke ebiet emi, minyuŋ ibineke abasi efen, eke ɔdiɔkde ye mbufo:

EZEKIEL 18:18

Ama edi ete esie, koro enye efikde ufik, owode eyen-eka, onyuŋ anamde se mifɔnke ke otu oruk esie, sese, ndien enye akpa ke idiɔk ido esie.

EZEKIEL 20:30

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ ete, Nte mbufo esabare idem mbufo ke usuŋ mme ete mbufo? mbufo enyuŋ ebine ŋkpɔ ndek enam use.

EZEKIEL 23:39

Ndien ke ini mmɔ ema ekewot nditɔ-iren mmɔ enɔ ibɔk mmɔ, mmɔ edi ke edisana ufɔk mi ke kpasuk usen oro, edisabare enye; ndien, sese, ntem ke mmɔ enam ke ufɔt ufɔk mi.

EZEKIEL 5:11

Mmɔdo Ɔbɔŋ Jehovah ɔdɔhɔde, ete, Ma uwem mi; koro kpukpru ndek fo ye kpukpru mbubiam fo esabarede edisana ebiet mi, ami ŋko nditreke ndisibe fi mfep; enyin mi idinyuŋ iyakke, ami ŋko ndinyuŋ nnyeneke mbɔm.

HOSEA 2:13

Nyenyuŋ nnɔ enye ufen, mbaŋa mme usen Baal emi enye ɔkɔfɔpde ŋkpɔ ɔnɔ mmɔ, okonyuŋ abanade idem esie ke mkpanuen ibuo esie, ye ŋkwa itɔŋ esie, ndien ebine mmɔ eke emade enye, onyuŋ efre mi. Uyo Jehovah edi emi.

HOSEA 6:9

Mme oku ŋko ebiet udim owo eke edibede ebet owo; mmɔ ewot owo ke usuŋ Shechem; ŋkɔm mmɔ enam ata oburobut ido.

AMOS 4:5

enyuŋ efɔp uwa ekɔm ye leaven, enyuŋ ekwɔrɔ uwa ima esit ebuk mmɔ; koro ntem ke mbufo ema, O nditɔ Israel. Uyo Ɔbɔŋ Jehovah edi emi.

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ŊWED MBON ROME 2:2

Edi nnyin imɔfiɔk ite ubiere-ikpe Abasi asaŋa ekekem ye akpanikɔ obiom mmɔ emi enamde oruk ŋkpɔ emi.

DEUTERONOMY 32:17

Mmɔ ewa uwa enɔ ekpo, eke midige Abasi: abasi eke mmɔ mikefiɔkke, mbufa abasi eke etode edi ke idahemi eke mme ete mbufo mikebakke.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.

JUDGES 5:8

Mmɔ ekemek mbufa abasi: ndo-ndo oro ekɔŋ osim mme inua otop: nte ema ekut otu-ekɔŋ mme eduat ke otu mme tɔsin Israel aba?