JEREMIAH 7:8 - Edisana ñwed Abasi Ibom

⁸ Sese, mbufo ke ebuɔt idem ke ikɔ nsu eke midoroke owo udori.

JEREMIAH 7:8 ပူးပေါင်းရင်းမြစ်များ

ISAIAH 28:15

Koro mbufo edɔhɔde, ete, Nnyin imediomi ediomi ye mkpa, inyuŋ isobo esop ye obio ekpo; ke ini ikpa ebede ofuk, idisimke nnyin: koro nnyin inimke nsu ke ebiet ubɔhɔ nnyin, inyuŋ idibede ke abiaŋa.

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

ISAIAH 59:4

Baba owo kiet ikotke (owo) ke edinen ido, baba kiet inyuŋ ikpehe ikpe ke akpanikɔ: mmɔ ebuɔt idem mmɔ ke se idide ikpikpu, enyuŋ edɔhɔ nsu; eyomo ibak, enyuŋ eman ukwaŋ-ŋkpɔ.

JEREMIAH 13:25

Emi edi afia fo, udeme emi ndomode nnɔ fi, Jehovah ɔdɔhɔ; koro afo emefre mi, omonyuŋ ɔbuɔt idem ke nsu.

JEREMIAH 23:26

Adaŋa didie ke ŋkpɔ emi edidu ke esit mme prophet emi etiŋde nsu-nsu o-prophecy? enyuŋ etiŋde abiaŋa esit mmɔ ke prophecy?

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

JEREMIAH 28:15

Jeremiah prophet onyuŋ ɔdɔhɔ Hananiah prophet, ete, Hananiah, kop ndien: Jehovah ikɔdɔŋke fi; edi afo anam mbio-obio emi ebuɔt idem ke nsu.

JEREMIAH 4:10

Ndien ami ndɔhɔ, nte, Ah, Ɔbɔŋ Jehovah! ŋkɔm afo ama abiaŋa mbio-obio emi ye Jerusalem eti-eti, ete, Mbufo eyenyene emem: ndien ofut omosim ukpɔŋ (nnyin).

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.