JEREMIAH 7:7 - Edisana ñwed Abasi Ibom

⁷ ndien nyeyak mbufo edu ke ebiet emi, ke nsinsi-nsinsi ke isɔŋ emi ŋkɔnɔde mme ete mbufo.

JEREMIAH 7:7 ပူးပေါင်းရင်းမြစ်များ

2 CHRONICLES 33:8

ndien ndisioho aba ukot Israel mfep ke isɔŋ emi ŋkonimde nnɔ mme ete mbufo: ke mmɔ ema etim enam kpukpru se ŋkowukde mmɔ ekem ye ofuri ibet, ye item, ye ikpe ke ubɔk Moses.

EXODUS 22:22

Ekufik baba ebe-akpa, ye eyen-akpa.

ISAIAH 1:19

Mbufo ema enyime, enyuŋ ekop, eyedia ufɔn isɔŋ;

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 3:18

Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

ZEPHANIAH 3:7

Ŋkɔdɔhɔ nte, Kam bak mi, bɔ item; ndien idisibeke iduŋ esie ifep, kpa kpukpru se ŋkonimde nnɔ enye: edi mmɔ ebak edemere enam kpukpru ido mmɔ ediɔk.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.