JEREMIAH 7:4 - Edisana ñwed Abasi Ibom

⁴ Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

JEREMIAH 7:4 ပူးပေါင်းရင်းမြစ်များ

1 NDIDEM 9:7

ndien nyesibe Israel mfep ke iso isɔŋ emi ŋkɔnɔde mmɔ; ndien ama edi ufɔk emi ŋkonimde nnɔ enyiŋ mi, nyemen enye ke iso mi mfep nduɔk; ndien Israel eyedi ŋkpɔ ikwɔ ye ufiet ke otu kpukpru owo;

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

ISAIAH 59:4

Baba owo kiet ikotke (owo) ke edinen ido, baba kiet inyuŋ ikpehe ikpe ke akpanikɔ: mmɔ ebuɔt idem mmɔ ke se idide ikpikpu, enyuŋ edɔhɔ nsu; eyomo ibak, enyuŋ eman ukwaŋ-ŋkpɔ.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

JEREMIAH 28:15

Jeremiah prophet onyuŋ ɔdɔhɔ Hananiah prophet, ete, Hananiah, kop ndien: Jehovah ikɔdɔŋke fi; edi afo anam mbio-obio emi ebuɔt idem ke nsu.

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

JEREMIAH 29:31

Ntem ke Jehovah ɔdɔhɔ Shemaiah Nehelamite, ete, Koro Shemaiah etiŋde prophecy ɔnɔ mbufo, ndien ami mmeŋkɔdɔŋke enye utom, ndien enye esin mbufo ebuɔt idem ke nsu:

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 7:14

mmɔdo nyenam ye ufɔk emi ekerede enyiŋ mi, emi mbufo ebuɔtde idem ke esit, nyenyuŋ nnam ye ebiet emi ŋkɔnɔde mbufo ye mme ete mbufo, kpa nte ŋkanamde ye Shiloh.

EZEKIEL 13:19

Nte mbufo eyenyuŋ esabare mi enɔ ikɔt mi ke uyɔhɔ ubɔk barley ye ke ŋkeŋe uyo, man ewot ukpɔŋ eke midikpaha, enyuŋ eda ukpɔŋ eke mididuhe uwem enim ke uwem, ke erisu emi mbufo esude enɔ ikɔt mi emi ekopde nsu.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

ZEPHANIAH 3:11

Ke usen oro but idinamke fi ibaŋa kpu-kpru ido fo emi afo ekeduede mi: koro ke ini oro nyesio mbon iseri emi eburede mbure ke otu mbufo mfep: ndien afo udutɔŋɔke aba ntak utaŋ idem ke edisana obot mi.

LUKE 3:8

Esioŋo naŋa ndien mfri eke odotde erikabare esit; ekunyuŋ etɔŋɔ ndidɔhɔ ke esit mbufo ete, Ŋkɔm imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.