JEREMIAH 7:33 - Edisana ñwed Abasi Ibom

³³ Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

JEREMIAH 7:33 ပူးပေါင်းရင်းမြစ်များ

ISAIAH 18:6

Eyekpɔŋ mmɔ ɔtɔ kiet enɔ mme inuen obot, ye mme unam ikɔt: ndien mme inuen eyesɔrɔ ke esit ke nda-eyo, kpukpru mme unam ikɔt eyenyuŋ ena ke esit ke ukwɔ.

JEREMIAH 12:9

Nte udeme mi etie ye ami nte ekpaŋ-ekpaŋ inuen? Nte mme inuen ekan enye ekuk? Mbufo eka ekebon kpukpru mme unam ikɔt, eda mmɔ edi ke itie udia

JEREMIAH 14:16

Ndien ama edi mbio emi mmɔ etiŋde prophecy enɔ mmɔ, ofut ye akaŋ eyesin mmɔ eduɔŋɔ ke mme efak Jerusalem: ndien idikwe owo eke edibukde mmɔ, kpa mmɔ, ye iban mmɔ, ye nditɔ-iren mmɔ, ye nditɔ-iban mmɔ: ndien nyeda idiɔk ido mmɔ ŋwaŋa mmɔ ke idem.

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 22:19

Eyebuk enye nte ebukde ass, eke edudide enyuŋ eduɔkde ko ekpɔŋ enyin-usuŋ Jerusalem.

JEREMIAH 25:33

Ndien mmɔ eke Jehovah ediwotde ke usen oro eyetɔŋɔ ke utit ererimbot ena esim ke utit ererimbot: idituaha mmɔ, idinyuŋ itaŋke, idinyuŋ ibukke, mmɔ eyetie nte ifum ke iso isɔŋ.

JEREMIAH 34:20

nyeda mmɔ nsin mme asua mmɔ ke ubɔk, ye ke ubɔk mmɔ eke eyomde uwem mmɔ; ndien mme okpo mmɔ eyekabare edi se inuen enyɔŋ ye mme unam isɔŋ ekpetade.

JEREMIAH 9:21

Koro mkpa ɔdɔkde ke window nnyin, oduk ke ikpɔ ufɔk nnyin, ndisibe nditɔwɔŋ ke efak mfep ye mkparawa ke aŋwa obio.

JEREMIAH 9:22

Dɔhɔ ete, Ntem ke Jehovah ɔdɔhɔ, ete, Mme okpo owo emeduɔŋɔ nte ifum ke iso isɔŋ, ye nte ebek ibokpot ke edem owo eke ekpeŋede, ndien baba owo kiet eke ataŋde iduhe.

EZEKIEL 29:5

Ndien nyemen fi nduɔk ke wilderness, kpa fi ye kpukpru iyak akpa fo: afo eyeduɔ ke iso isɔŋ; iditaŋke fi, idinyuŋ imenke fi ibon: nyeda fi nnɔ mme unam ikɔt ye mme inuen enyɔŋ eta.

EZEKIEL 39:4

Afo eyeduɔ ke ikpɔ obot Israel, kpa afo ye ofuri udim fo, ye mbon emi edude ye afo: nyeda fi nnɔ inuen kpukpru oruk mba, ye unam ikɔt, eta.

DEUTERONOMY 28:26

Ndien okpo fo eyedi udia kpukpru inuen enyɔŋ, ye eke mme unam ikɔt, ndien owo eke edibinde mmɔ efep ididuhe.

DEUTERONOMY 8:20

Kpa nte mme idut emi Jehovah okosobode ke iso mbufo efep, kpasuk ntre ke edisobo mbufo; koro mbufo midinyimeke ndikop uyo Jehovah Abasi mbufo.