JEREMIAH 7:32 - Edisana ñwed Abasi Ibom

³² Jehovah ɔdɔhɔ ete, Sese, oro esin mme usen edi, eke enye midikereke aba Topheth, ye itihere eyen Hinnom, edi Itihere Obom: ndien mmɔ eyebuk owo ke Topheth tutu ebiet iduhe aba.

JEREMIAH 7:32 ပူးပေါင်းရင်းမြစ်များ

2 NDIDEM 23:10

Enye onyun asabara Topheth, emi odude ke ebedeŋ nditɔ Hinnom, man owo baba kiet okunam eyen-eren esie, ye eyen esie aŋwan ebe oduk ke ikaŋ ɔnɔ Molech.

JEREMIAH 19:11

Ntem ke Jehovah mme udim ɔdɔhɔ ete, Ke ntre ke ndinuak mbio emi ye obio emi, kpa nte owo anuakde abaŋ obot-eso, eke owo mikemeke aba ndidiɔŋ: ndien mmɔ eyebuk owo ke Topheth, tutu ebiet eke ebukde iduhe aba.

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

JEREMIAH 19:2

ndien wɔrɔ ka ke itihere eyen Hinnom, ke ɔtɔ inua-otop itie ubot-eso, ndien mme ikɔ eke ndidɔhɔde fi tiŋ do;

JEREMIAH 19:6

Jehovah ɔdɔhɔ, ete, Ini ke edi eke ebiet emi midikereke aba Topheth, ye Itihere eyen Hinnom, edi eyekere Itihere Uwot-owo.

JEREMIAH 31:40

Ndien ofuri ebedeŋ mme okpo ye eke ntɔŋ, ye ofuri ntaŋwaŋ ebiet tutu osim ebedeŋ Kidron, ye inuk inua-otop mme horse, ke edem usiakha-utin, eyedi edisana ebiet Jehovah; ididibekede enye, enye idinyuŋ ibiarake aba ke nsinsi.

JEREMIAH 7:31

Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.

EZEKIEL 6:4

Mme itie-uwa mbufo eyenyuŋ esobo, mbiet mbufo eyenyuŋ enuaha, nyenyuŋ mmen owo mbufo eke ekpaŋade afai nduɔk ke iso mme ibɔk mbufo.

LEVITICUS 26:30

Nyenyuŋ nsobo mme edikoŋ ebiet mbufo, nnyuŋ nsobo mbiet-utin mbufo mfep, nnyuŋ mmen mbukpit mbufo nduɔŋɔ ke mbukpit owo eto mbufo, mbufo eyenyuŋ etek mi esit.