JEREMIAH 7:31 - Edisana ñwed Abasi Ibom

³¹ Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.

JEREMIAH 7:31 ပူးပေါင်းရင်းမြစ်များ

2 NDIDEM 17:17

Mmɔ enyuŋ enam nditɔ-iren mmɔ ye nditɔ-iban mmɔ ebe eduk ke ikaŋ, enyuŋ ebre idiɔŋ ye mfa, enyuŋ enyam idem mmɔ ndinam idiɔk ke iso Jehovah, enyuŋ eyat enye esit.

2 NDIDEM 23:10

Enye onyun asabara Topheth, emi odude ke ebedeŋ nditɔ Hinnom, man owo baba kiet okunam eyen-eren esie, ye eyen esie aŋwan ebe oduk ke ikaŋ ɔnɔ Molech.

2 NDIDEM 23:20

Enye onyuŋ ada kpukpru oku edikoŋ ebiet eke edude do, owot ke mme itie-uwa oro, onyuŋ ɔfɔp mme ɔkpɔ owo ke esit, ndien ɔnyɔŋ ke Jerusalem.

2 CHRONICLES 28:3

Enye onyuŋ ɔfɔp uwa ke itihere eyen Hinnom, onyuŋ ɔfɔp nditɔ esie ke ikaŋ, ekem ye mbubiam ido mme idut oro Jehovah ekebinde ke iso nditɔ Israel efep.

2 CHRONICLES 33:6

Ndien enye onyuŋ anam nditɔ esie ebe eduk ke ikaŋ ke itihere eyen Hinnom, onyuŋ ebre idiɔŋ enyɔŋ, ye idiɔŋ urukikɔt, onyuŋ onim mme ebre-idiɔŋ ekpo owo, ye mme ɔfiɔk ŋkpɔ owo. Enye awak ndinam idiɔk ke iso Jehovah, onyuŋ ayat enye esit.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ISAIAH 57:5

Ke efiop idem mbufo ke otu mme ofriyo, ke idak kpukpru awawa eto, ke ewot nditɔ-ɔwɔŋ ke mme ebedeŋ ke idak nsiaha ikpɔ itiat?

JEREMIAH 19:2

ndien wɔrɔ ka ke itihere eyen Hinnom, ke ɔtɔ inua-otop itie ubot-eso, ndien mme ikɔ eke ndidɔhɔde fi tiŋ do;

JEREMIAH 2:23

Afo edinam didie ɔdɔhɔ, ete “Ndeheke, mbineke Baalim?” Se usuŋ fo ke itihere: fiɔk se afo anamde: (afo) ɔsɔp-ukot dro-medary eke ɔyɔrɔde ke usuŋ esie;

JEREMIAH 32:34

Ndien mmɔ esin ŋkpɔ mbubiam mmɔ ke ufɔk emi ekerede enyiŋ mi, enyuŋ esabare enye.

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

EZEKIEL 16:20

Afo onyuŋ ada nditɔ-iren fo ye nditɔ-iban fo emi afo akamande ɔnɔ mi, awa ɔnɔ mmɔ, ete edia. Nte use fo ama ekpri akan?

EZEKIEL 20:26

nnyuŋ nsabare mmɔ ke mme enɔ mmɔ, ke ini mmɔ edade kpukpru se isirerede itie-eyen esɔk mi, man mbiat mmɔ, kpaŋ mmɔ ekpefiɔk ete ke ami ndi Jehovah.

EZEKIEL 20:31

Ndien ke ini mbufo emende enɔ mbufo esɔk mi, ke erinam nditɔ mbufo ebe eduk ke ikaŋ, mbufo esabare idem mbufo ke kpukpru ibɔk mbufo tutu ɔsim mfin emi: ndien nte ndiyak ebup mi ŋkpɔ enɔ mbufo, O ufɔk Israel? Ɔbɔŋ Jehovah ɔdɔhɔ, ete, Ma uwem mi, ndiyakke ebup mi enɔ mbufo.

LEVITICUS 18:21

Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah.

MICAH 6:7

Nte tɔsin okukim erɔŋ, ye tɔsin idim aran duop eyenem Jehovah esit? Nte nyenɔ ekpan mi ke ndudue mi, ye mfri idem mi ke idiɔk ido ukpɔŋ mi?

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

DEUTERONOMY 17:3

eke onyuŋ akade okonim ido mme abasi efen, onyuŋ ɔnuhɔ ɔnɔ mmɔ, edide utin, onyuŋ edide ɔfiɔŋ mme eke udim enyɔŋ ekededi, eke ami ŋkpande;

DEUTERONOMY 18:10

Kuyak ekut owo ke otu fo eke adade eyen-eren esie, mme eyen esie aŋwan esin ke ikaŋ kuyak ekut abia-idiɔŋ, ye abia-inuen, ye abiamfa, ye abia-ibɔk,

JOSHUA 15:8

Ndien adaŋa oro asaŋa ke itihere eyen Hinnom ada ɔdɔk ke edem usuk-usuk mme Jebussite; oro edi Jerusalem: ndien adaŋa ɔdɔk ke ibuot obot emi asakde iso ese itihere Hinnom, ke edem usop-utin, emi adade ke utit itihere mme Rephaim edere-edere.