JEREMIAH 7:26 - Edisana ñwed Abasi Ibom

²⁶ ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

JEREMIAH 7:26 ပူးပေါင်းရင်းမြစ်များ

1 NDIDEM 14:22

Judah enyuŋ enam idiɔk ke iso Jehovah enyuŋ esin enye ofibe ufup akan kpukpru se mme ete mmɔ ekenamde, ke idiɔk ido mmɔ eke mmɔ ekenamde.

1 NDIDEM 14:9

edi ama anam idiɔk akan kpukpru owo emi ekebemde fi iso edu ama onyuŋ aka akanam abasi eŋwen, ye editara mbiet, onyuŋ ayat mi esit, onyuŋ emen mi ɔduɔk ke edem fo.

2 NDIDEM 17:14

Ndien mmɔ inyimeke ndikop, edi esɔŋ obot itɔŋ mmɔ nte itɔŋ mme ete mmɔ, emi mikenimke uyo Jehovah Abasi mmɔ ke akpanikɔ.

2 NDIDEM 17:15

Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

2 CHRONICLES 30:8

Mbufo ekusɔŋ, ndien, obot-itɔŋ mbufo, nte mme ete mbufo, edi esuk idem enɔ Jehovah, enyuŋ edi ke edisana ebiet esie, emi enye anamde asana ke nsinsi: enyuŋ enam ŋkpɔ Jehovah Abasi mbufo, man ikaŋ iyaresit esie ɔwɔŋɔre ɔkpɔŋ mbufo.

2 CHRONICLES 33:10

Ndien Jehovah ɔdɔhɔ ikɔ ye Manasseh ye ikɔt esie, edi mmɔ ikpaŋke utɔŋ.

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

NEHEMIAH 9:29

Ndien afo asua ɔnɔ mmɔ, man anam mmɔ efiak ke ibet fo: edi mmɔ eseri iseri, inyuŋ ikopke ibet fo, edi edue mme item fo, eke owo eke anamde mmɔ edidude uwem ke esit; mmɔ enyuŋ enim afara emiom-emiom, enyuŋ esɔŋ obot itɔŋ mmɔ, inyuŋ ikopke.

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ISAIAH 48:4

Oto koro ŋkɔfiɔkde nte ke afo ɔsɔsɔŋ ibuot, itɔŋ fo onyuŋ edi idut ukwak, ɔkpɔ-iso fo onyuŋ edi okpoho;

ISAIAH 5:4

Nso ŋkpɔ ɔsuhɔ eke ŋkpanamde ye iŋwaŋ-vine mi, ndien mmeŋkanamke ke esit? Nnam didie ndien, nnim enyin nte enye eyeŋwum grape, ndien enye oŋwum ɔbɔruduk?

JEREMIAH 11:8

Mbufo ekop uyo mi. Edi mmɔ ikopke, inyuŋ ikpaŋke utɔŋ mmɔ, edi kpukpru owo kiet kiet esaŋa ke itun idiɔk esit mmɔ. Ndien nyeda kpukpru ikɔ ediomi oro ŋkowukde nte enam, ndien mmɔ minamke, nda ntiene mmɔ.

JEREMIAH 16:12

ndien mbufo ediɔk ndinam ekan mme ete mbufo: ndien, sese, mbufo kiet kiet etiene itun idiɔk esit mbufo, inyuŋ ikopke uyo mi:

JEREMIAH 17:23

Ndien mmɔ ikopke, inyuŋ ikpaŋke utɔŋ mmɔ, edi esɔŋɔ obot itɔŋ mmɔ, ndien mmɔ ikopke, inyuŋ ibɔhɔ item.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 25:3

Toto ke ɔyɔhɔ isua Josiah eyen Amon edidem Judah duopeta, tutu osim mfin emi, ke ofuri isua edip ye ita emi, uyo Jehovah ama osim mi, mma nnyuŋ ntiŋ nnɔ mbufo, mbabak ndɔhɔ; edi mbufo ikokopke.

JEREMIAH 25:7

Ndien mbufo ikopke uyo mi, Jehovah ɔdɔhɔ: ndien mbufo eyat mi esit ke se ubɔk mbufo enamde, eke ɔdiɔkde ye mbufo.

JEREMIAH 26:5

nnyuŋ ŋkop ikɔ ikɔt mi mme prophet, emi ami ŋkɔdɔŋde utom ke ɔtɔ mbufo, mbabak ndɔŋ, edi mbufo ikokopke;

JEREMIAH 29:19

koro mmɔ mikekopke uyo mi (Jehovah ɔdɔhɔ), ke ini oro ŋkɔdɔŋde ikɔt mi mme prophet utom ke ɔtɔ mmɔ, mbabak ndɔŋ: ndien mbufo ikopke, Jehovah ɔdɔhɔ.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

JEREMIAH 34:14

Ke utit isua itiaba mbufo kpukpru esana eyen-ete mbufo, eyen Hebrew emi anyamde idem esie ɔnɔ mbufo eyak; ke adaŋemi enye anamde ŋkpɔ ke isua itiokiet, yak enye ɔwɔrɔ ufin ɔkpɔŋ ebiet mbufo: ndien mme ete mbufo ikopke uyo mi, inyuŋ ikpaŋke utɔŋ mmɔ.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 44:16

Nnyin idikopke uyo fo emi abaŋade ikɔ emi afo ɔdɔhɔde nnyin ke enyiŋ Jehovah:

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 6:10

Ndidɔhɔ anie, nnyuŋ nteme anie, man mmɔ ekop? sese, utɔŋ mmɔ odoro edut, ndien mmɔ ikemeke ndikop: sese, mmɔ ebat uyo Jehovah ke ŋkpɔ but; enye inemke mmɔ esit.

JEREMIAH 6:17

Ami ŋkonyuŋ ndemere mbon-ukpeme eke esede mbufo, nnim, nte, Mbufo ekpaŋ utɔŋ enɔ uyo ukorowo.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 9:13

Ndien Jehovah onyuŋ ɔdɔhɔ, ete, Koro mmɔ ekpɔŋde mbet mi oro ŋkenimde ke iso mmɔ, ndien mikopke uyo mi, minyuŋ isaŋake ke esit;

EZEKIEL 12:2

Eyen owo, afo ke oduŋ ke otu ufɔk nsɔŋ-ibuot, emi enyenede enyin eke ekutde, ndien ikwe; enyuŋ enyenede utɔŋ eke ekopde, ndien ikopke: koro mmɔ edide ufɔk nsɔŋ-ibuot.

EZEKIEL 12:3

Afo eyen owo tim ndien mkpoduoho uwɔrɔ-iduŋ, nyuŋ wɔrɔ iduŋ ke enyin mmɔ ke uwemeyo; nyuŋ wɔrɔ ke ebiet kiet ka ke ebiet eŋwen ke enyin mmɔ.

EZEKIEL 20:30

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ ete, Nte mbufo esabare idem mbufo ke usuŋ mme ete mbufo? mbufo enyuŋ ebine ŋkpɔ ndek enam use.

DANIEL 9:6

nnyin ikonyuŋ ikopke uyo ikɔt fo mme prophet, emi eketiŋde ikɔ ke enyiŋ fo, edɔhɔ edidem nnyin, ye mbɔŋ nnyin, ye mme ete nnyin, ye kpukpru mbio-obio.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

ZECHARIAH 7:11

Ndien mmɔ inyimeke ndikpaŋ utɔŋ, edi ekpa edem, enyuŋ esɔŋ ibuot, enyuŋ enam utɔŋ mmɔ edobi, man ekukop.

MALACHI 3:7

Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?

MATTHEW 21:38

Edi ke ini mme ekpeme-iŋwaŋ ekutde eyen oro mmɔ eneme ke otu idem mmɔ ete, Emi edi andidia-ufɔk; ekam eyak iwot enye, inyuŋ idia ŋkpɔ-akpa esie.

MATTHEW 23:32

Mbufo enyuŋ enam idomo idiɔk-ŋkpɔ mme ete mbufo ɔyɔhɔ ndien.

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

DEUTERONOMY 8:20

Kpa nte mme idut emi Jehovah okosobode ke iso mbufo efep, kpasuk ntre ke edisobo mbufo; koro mbufo midinyimeke ndikop uyo Jehovah Abasi mbufo.