JEREMIAH 7:25 - Edisana ñwed Abasi Ibom

²⁵ Ɔtɔŋɔde ke usen oro mme ete mbufo eketode ke Egypt edi, tutu osim mfin emi, mma nnyuŋ ndɔŋ kpukpru ikɔt mi mme prophet utom ke ɔtɔ mbufo, kpukpru usen mbabak ndɔŋ:

JEREMIAH 7:25 ပူးပေါင်းရင်းမြစ်များ

2 CHRONICLES 24:19

Edi enye ɔdɔŋ prophet utom ke ɔtɔ mmɔ: ete eda mmɔ efiak etiene Jehovah; ndien mmɔ esua enɔ mmɔ: edi mmɔ ikpaŋke utɔŋ.

2 CHRONICLES 36:15

Ndien Jehovah Abasi mme ete mmɔ ɔdɔŋ mme isuŋ esie utom ke ɔtɔ mmɔ, abak ɔdɔŋ; koro enye enyenede mbɔm ye ikɔt esie ye ebiet iduŋ esie:

EZRA 9:7

Nnyin imakama akamba isop toto ke eyo mme ete nnyin, tutu osim mfin emi ndien mme ukwaŋ-ŋkpɔ nnyin esin ekeda nnyin, ye ndidem nnyin, ye mme oku nnyin esin ndidem mme idut ke ubɔk, enɔ ofut, ye ntaŋ-mfep, ye mbume, ye iso but, kpa nte edide mfin emi.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ISAIAH 5:4

Nso ŋkpɔ ɔsuhɔ eke ŋkpanamde ye iŋwaŋ-vine mi, ndien mmeŋkanamke ke esit? Nnam didie ndien, nnim enyin nte enye eyeŋwum grape, ndien enye oŋwum ɔbɔruduk?

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 25:3

Toto ke ɔyɔhɔ isua Josiah eyen Amon edidem Judah duopeta, tutu osim mfin emi, ke ofuri isua edip ye ita emi, uyo Jehovah ama osim mi, mma nnyuŋ ntiŋ nnɔ mbufo, mbabak ndɔhɔ; edi mbufo ikokopke.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

JEREMIAH 29:19

koro mmɔ mikekopke uyo mi (Jehovah ɔdɔhɔ), ke ini oro ŋkɔdɔŋde ikɔt mi mme prophet utom ke ɔtɔ mmɔ, mbabak ndɔŋ: ndien mbufo ikopke, Jehovah ɔdɔhɔ.

JEREMIAH 35:14

Ke enim uyo Jonadab eyen Rechab emi enye eketemede nditɔ esie, ete ekuŋwɔŋ wine; ndien mmɔ iŋwɔŋke tutu osim mfin emi; koro mmɔ ekopde ewuhɔ ete mmɔ. Edi ami ŋkɔdɔhɔ mbufo, mbabak ndɔhɔ; ndien mbufo ikopke uyo mi.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

JEREMIAH 7:13

Ndien ke emi ke Jehovah ɔdɔhɔ, ete, Koro mbufo enamde kpukpru ŋkpɔ emi, ndien ami ŋkɔdɔhɔ ye mbufo, mbabak ndɔhɔ, ndien mbufo ikopke; ŋkonyuŋ ŋkot mbufo, ndien mbufo iyereke;

EZEKIEL 2:3

Ndien enye ɔdɔhɔ mi, ete, Eyen owo, ami mmɔŋ ndɔŋ fi utom ke ɔtɔ nditɔ Israel, ke ɔtɔ mbon idut enyene nsɔŋ-ibuot emi esɔŋɔde ibuot ye ami: mmɔ ye mme ete mmɔ emenam idiɔk ye ami, tutu osim idem mfin emi.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

HOSEA 12:10

Mmoyuŋ ndɔhɔ mbaŋa mme prophet, ami ŋko nnɔ ediwak ŋkukut, nnyuŋ nda ubɔk mme prophet ŋke ŋke.

AMOS 2:11

Ndien nda ndusuk nditɔ-iren mbufo nnim ke prophet, nda ndusuk mkparawa mbufo nnim ke Nazirite. Nte idighe kpa ntre, mbufo nditɔ Israel? Emi edi uyo Jehovah.

MALACHI 3:7

Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?

LUKE 11:49

Mmɔdo Eti Ibuot Abasi ama ɔdɔhɔ ete, Nyedɔŋ mme prophet ye mme apostle etiene mmɔ;

DEUTERONOMY 9:7

Ti, kufre nte afo akayatde Jehovah Abasi fo esit ke wilderness: ɔtɔŋɔde ke usen emi afo otode ke isɔŋ Egypt, tutu mbufo edisim ebiet emi, mbufo emesɔŋ ibuot ye Jehovah.