JEREMIAH 7:24 - Edisana ñwed Abasi Ibom

²⁴ Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 7:24 ပူးပေါင်းရင်းမြစ်များ

NEHEMIAH 9:29

Ndien afo asua ɔnɔ mmɔ, man anam mmɔ efiak ke ibet fo: edi mmɔ eseri iseri, inyuŋ ikopke ibet fo, edi edue mme item fo, eke owo eke anamde mmɔ edidude uwem ke esit; mmɔ enyuŋ enim afara emiom-emiom, enyuŋ esɔŋ obot itɔŋ mmɔ, inyuŋ ikopke.

ŊWED MME PSALM 81:13

Ikɔt mi ekpekam ekop uyo mi, Israel ekpekam enyuŋ esaŋa ke usuŋ mi!

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 13:11

Koro kpa nte ubɔp-isin ɔbɔbɔde owo ke isin, kpasuk ntre ke ŋkada ofuri ufɔk Israel ye ofuri ufɔk Judah mbɔbɔ ke idem mi, Jehovah ɔdɔhɔ; man mmɔ ekpedi okimmɔ ke ikɔt, ye ke enyiŋ, ye ke itoro, ye ke ubɔŋ: edi mmɔ ikokopke.

JEREMIAH 15:6

Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.

JEREMIAH 16:12

ndien mbufo ediɔk ndinam ekan mme ete mbufo: ndien, sese, mbufo kiet kiet etiene itun idiɔk esit mbufo, inyuŋ ikopke uyo mi:

JEREMIAH 17:23

Ndien mmɔ ikopke, inyuŋ ikpaŋke utɔŋ mmɔ, edi esɔŋɔ obot itɔŋ mmɔ, ndien mmɔ ikopke, inyuŋ ibɔhɔ item.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 18:10

ndien enye ama anam idiɔk ido ke enyin mi, minyuŋ ikopke uyo mi, nyedahado ndien ke mfɔn oro ŋkɔdɔhɔde, nte nyefɔn ye enye.

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 23:17

Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 3:17

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

JEREMIAH 32:33

Ndien mmɔ ekabare obot itɔŋ enɔ mi, ikabakede iso: okposuk edi nte ŋkpepde mmɔ, mbabak ŋkpep, edi mmɔ ikopke, inyuŋ ibɔhɔ item.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

JEREMIAH 9:14

edi mmɔ etiene itun esit mmɔ, ye Baalim eke mme ete mmɔ ekekpepde mmɔ;

EZEKIEL 20:13

Ndien ufɔk Israel esɔŋ ibuot ye ami ke wilderness: mmɔ isaŋake ke mme ewuhɔ mi, edi esin mme item mi, emi owo ama anam mmɔ, owo eyedu uwem ke esit; mmɔ enyuŋ esabare mme sabbath mi eti-eti: ndien ndɔhɔ nte ke nyeŋwaŋa mmɔ ifuresit mi ke idem ke wilderness man nsobo mmɔ.

EZEKIEL 20:16

koro mmɔ esinde mme item mi, minyuŋ isaŋake ke mme ewuhɔ mi, edi esabare mme sabbath mi: koro esit mmɔ ebinede ibɔk mmɔ.

EZEKIEL 20:21

Ndien nditɔ oro esɔŋ ibuot ye ami: mmɔ isaŋake ke mme ewuhɔ mi, inyuŋ inimke mme item mi, inyuŋ inamke mmɔ, emi owo ama anam mmɔ, owo eyedu uwem ke esit; mmɔ ebiat mme sabbath mi. Ndien ami ndɔhɔ nte, Nyeŋwaŋa mmɔ ifuresit mi ke idem, man mma iyaresit mi ke idem-mmɔ ke wilderness.

EZEKIEL 20:8

Ndien mmɔ esɔŋ ibuot ye ami, inyuŋ inyimeke ndikop uyo mi: baba owo kiet imenke ŋkpɔ ndek ke enyin esie iduɔk, inyuŋ ikpɔŋke ibɔk Egypt: ndien ndɔhɔ nte ke nyeŋwaŋa mmɔ ifuresit mi ke idem, man mma iyaresit mi ke idem mmɔ ke ufɔt isɔŋ Egypt.

DANIEL 9:6

nnyin ikonyuŋ ikopke uyo ikɔt fo mme prophet, emi eketiŋde ikɔ ke enyiŋ fo, edɔhɔ edidem nnyin, ye mbɔŋ nnyin, ye mme ete nnyin, ye kpukpru mbio-obio.

HOSEA 10:6

Mmɔ eyenyuŋ eda enye eka Assyria, esɔk edidem Jareb ke enɔ: Ephraim eyeda esuene, but eyenyuŋ anam Israel abaŋa item esiemɔ.

HOSEA 4:16

Koro Israel ɔsɔŋde ibuot nte ɔsɔŋ-ibuot abak-enaŋ: kemi Jehovah eyebɔk mmɔ nte eyen erɔŋ ke ntaŋwaŋ ebiet.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

ZECHARIAH 7:11

Ndien mmɔ inyimeke ndikpaŋ utɔŋ, edi ekpa edem, enyuŋ esɔŋ ibuot, enyuŋ enam utɔŋ mmɔ edobi, man ekukop.

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ: