JEREMIAH 7:23 - Edisana ñwed Abasi Ibom

²³ ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

JEREMIAH 7:23 ပူးပေါင်းရင်းမြစ်များ

ŊWED JOB 36:11

Edieke mmɔ ekopde, enyuŋ enamde, mmɔ ema uwem mmɔ ke ufɔn, ye mme isua mmɔ inem inem.

ŊWED MME PSALM 119:3

Eke minyuŋ inamke ukwaŋ-ŋkpɔ: edi esaŋa ke usuŋ esie.

ŊWED MME PSALM 40:6

Afo umaŋa uwa emem ye inuak-udia: afo otibi mi utɔŋ: ubupke edifɔp uwa ye uwa idiɔk ido.

ŊWED MME PSALM 81:13

Ikɔt mi ekpekam ekop uyo mi, Israel ekpekam enyuŋ esaŋa ke usuŋ mi!

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 16:32

Ndien Moses ɔdɔhɔ ete, Ŋkpɔ emi ke Jehovah okowuk, ete, Mbufo esin enye ke omer eyɔhɔ, enim enɔ mme emana mbufo; kpaŋ mmɔ ekpekut udia emi mbɔkde mbufo ke wilderness, ke ini ŋkadade mbufo nto ke isɔŋ Egypt.

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 13:11

Koro kpa nte ubɔp-isin ɔbɔbɔde owo ke isin, kpasuk ntre ke ŋkada ofuri ufɔk Israel ye ofuri ufɔk Judah mbɔbɔ ke idem mi, Jehovah ɔdɔhɔ; man mmɔ ekpedi okimmɔ ke ikɔt, ye ke enyiŋ, ye ke itoro, ye ke ubɔŋ: edi mmɔ ikokopke.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

JEREMIAH 38:20

Ndien Jeremiah ɔdɔhɔ ete, Mmɔ idisinke. Mbɔk, kop uyo Jehovah ke se ami ndɔhɔde fi; ndien eyefɔn fi, ukpɔŋ fo eyenyuŋ odu uwem.

JEREMIAH 42:6

Edide eti onyuŋ edide idiɔk, nnyin iyekop uyo Jehovah Abasi nnyin, emi nnyin idɔŋde fi utom ke ɔtɔ esie; man ɔfɔn ye nnyin ke ini nnyin idikopde uyo Jehovah Abasi nnyin.

ZEPHANIAH 3:2

Enye ikopke uyo: ibɔhɔ item: ibuɔtke idem esie ye Jehovah; isaŋake ikpere Abasi esie.

ZECHARIAH 6:15

Ndien mmɔ emi edude ke anyan ebiet eyedi edibɔp temple Jehovah; ndien mbufo eyefiɔk ete ke Jehovah mme udim ɔdɔŋ mi utom ke ɔtɔ mbufo. Ndien ŋkpɔ emi eyedi, edieke mbufo editimde ekop uyo Jehovah Abasi mbufo.

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

ŊWED MBON ROME 16:26

Emi enyuŋ edade se mme prophet ekewetde, nte nsinsi Abasi ɔkɔnɔde uyo, enam kpukpru mme idut efiɔk, man mmɔ esuk ibuot ke mbuɔtidem:

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

DEUTERONOMY 11:27

ufɔn, edieke mbufo edikopde kpukpru mme ewuhɔ Jehovah Abasi mbufo emi ami ŋwukde mbufo mfin emi:

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 30:2

onyuŋ afiakde etiene Jehovah Abasi fo, onyuŋ okopde uyo esie, nte kpukpru se ami ŋwukde fi mfin emi edide, afo, ye nditɔ fo, ke ofuri esit fo, ye ke ofuri ukpɔŋ fo;

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 30:8

Ndien afo eyetɔŋɔ ntak okop uyo Jehovah, onyuŋ anam kpukpru mme ewuhɔ esie emi ami ŋwukde fi mfin emi.

DEUTERONOMY 4:10

usen oro afo akadade ke iso Jehovah Abasi fo ke Horeb, ke ini Jehovah ɔkɔdɔhɔde mi, ete, Bon mbio emi ɔtɔ kiet nɔ mi, ndien nyenam mmɔ ekop ikɔ mi, man mmɔ ekpep ndibak mi ofuri ini emi mmɔ edidude uwem ke isɔŋ oro, man mmɔ enyuŋ ekpep nditɔ mmɔ.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.