JEREMIAH 6:7 - Edisana ñwed Abasi Ibom

⁷ Kpa nte iso idim otopde mmɔŋ esiemɔ, kpa ntre ke enye otop idiɔk ido esie: mmɔ ekop enye ŋkanubɔk ye mbume ke esit; ubiak ye unan esuk edudu ke iso mi kpukpru ini.

JEREMIAH 6:7 ပူးပေါင်းရင်းမြစ်များ

MME ŊKE 4:23

Tim kpeme esit fo kan kpukpru se ekpemede; koro uwem otode enye.

ISAIAH 1:6

Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

ISAIAH 57:20

Ndien mme idiɔk owo ebiet nyoyoho inyaŋ; koro enye mikemeke ndina suŋ; mmɔŋ esie onyuŋ ɔburɔde ndek ye mbat.

ISAIAH 59:6

Mkpaŋ mmɔ idikabakede idi ɔfɔŋ-idem, ndien mmɔ ididaha se mmɔ enamde ifuk idem: se mmɔ enamde mmɔ enam ke ibak, utom afai onyuŋ odu mmɔ ke ubɔk.

JEREMIAH 20:8

Koro toto ke ini oro ŋkɔdɔhɔde, mfiori, nseme afai ye mbume; koro uyo Jehovah akabarede edi se edade esuene mi, enyuŋ esin mi ke ndek kpukpru usen.

JEREMIAH 30:12

Koro ntem ke Jehovah ɔdɔhɔ, ete, Inyeneke nte ekɔkde unan fo, ufen fo ɔmɔdiɔk akan.

JEREMIAH 30:13

Baba owo kiet eke ebierede ikɔ fo iduhe, man efuk fi unan: ama edi ibɔk, idianke fi baba.

JEREMIAH 30:15

Nsinam afo atuade abaŋa unan fo? Ubiak fo ɔmɔdiɔk akan: koro mme idiɔk ido fo ewakde, mme ukwaŋ-ŋkpɔ fo enyuŋ ekɔride, ami nnam fi ŋkpɔ emi.

JEREMIAH 32:31

Koro obio emi ama edi ŋkpɔ iyaresit mi ye ifuresit mi toto ke usen oro ekebɔpde enye, tutu osim mfin emi; man mmen enye ke iso mi mfep:

JEREMIAH 8:22

Nte baba balsam iduhe ke Gilead? Nte baba abia-ibɔk iduhe do? Nsinam ndien mibɔpke unan adiaha ikɔt mi?

EZEKIEL 21:29

ke ini mmɔ ekutde nsu enɔ fi, ke ini mmɔ ebrede idiɔŋ abiaŋa enɔ fi, man enye (ofut) emen fi odori ke itɔŋ mme idiɔk owo emi ekpaŋade afai, emi usen mmɔ edide ke akpatre idiɔk ido.

EZEKIEL 24:7

Koro iyip esie odude enye ke esit: enye odu ke edisat ikpɔ itiat: enye iduɔkke enye ke isɔŋ, man ntan ofuk enye;

EZEKIEL 45:9

Ntem ke Ɔbɔŋ Jehovah ɔdɔhɔ ete, Yak ekem ye mbufo, mbɔŋ Israel; mbufo esioŋo ŋkanubɔk ye utuk efep, enyuŋ ekpe edinen ikpe: edorore ikɔt mi nnama mbufo efep: emi edi uyo Ɔbɔŋ Jehovah.

EZEKIEL 7:11

Ŋkanubɔk ɔmɔkɔri edi eto idiɔk ŋkpɔ: baba owo mmɔ kiet iduhe, baba owo otu mmɔ kiet, baba inyene mmɔ, baba mkpo inyuŋ iduhe ke otu mmɔ.

EZEKIEL 7:23

Nam ŋkpɔkɔbi: koro ikpe obom ɔyɔhɔde ke isɔŋ, afai onyuŋ ɔyɔhɔ ke obio.

ZEPHANIAH 3:1

ƆDIƆK ɔnɔ owo eke ɔsɔŋde ibuot onyuŋ edehede, obio utuk!