JEREMIAH 6:29 - Edisana ñwed Abasi Ibom

²⁹ Ibit utim asak, ŋket omosobo ke ikaŋ; anditara atara ikpikpu: koro mmɔ midianakede mme idiɔk owo ifep.

JEREMIAH 6:29 ပူးပေါင်းရင်းမြစ်များ

MME ŊKE 17:3

Eso-utara edi eke silver, furnace onyuŋ edi eke gold: edi Jehovah odomo esit owo.

ISAIAH 49:4

Ndien ami ndɔhɔ, nte, Mmanam utom ke ikpikpu, mmɔduɔk nsɔŋidem mi ke se miduhe du, ye ke ikpikpu; ke akpanikɔ ikpe mi odu ye Jehovah, ŋkpɔ-eyen-utom mi onyuŋ odu ye Abasi mi.

JEREMIAH 15:19

Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

JEREMIAH 9:7

Mmɔdo ntem ke Jehovah mme udim ɔdɔhɔ, ete, Sese, ami mmɔŋ ntara mmɔ, nnyuŋ ndomo mmɔ: koro ndinam didie mbaŋa adiaha ikɔt mi?

EZEKIEL 24:12

Enam utom ekpa mba, akwa mbukpeŋ esie inyimeke ndiwɔrɔ ke esit; mbukpeŋ esie eyedu ke ikaŋ.

EZEKIEL 24:13

Oburobut ido odu ke ndek fo: koro nnamde fi edi edisana, ndien afo usanake, idisioho aba fi ndek fo ke idem inam asana, tutu nda ifuresit mi ndori fi ke idem.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 PETER 4:12

Ndima, ekuyik ikaŋ-ikaŋ idomo eke odude ke otu mbufo, eke etienede mbufo man edomo mbufo efiɔk, nte edide utibe ŋkpɔ ɔwɔrɔ mbufo.

JUDGES 17:4

Ntre ke enye ayak silver oro ɔnɔ eka esie; ndien eka esie osio shekel silver ikie iba, ada mmɔ ɔnɔ odom-utim, ndien enye anam edisɔi mbiet ye editara mbiet: ndien mmɔ edu ke ufɔk Micah.