JEREMIAH 6:19 - Edisana ñwed Abasi Ibom

¹⁹ Ererimbot, kop: sese, ami mmɔŋ nda idiɔk-ŋkpɔ ntiene mbio emi, kpa mfri ekikere mmɔ: koro mmɔ mikpaŋke utɔŋ ke ikɔ mi ye mbet mi, edi esin enye.

JEREMIAH 6:19 ပူးပေါင်းရင်းမြစ်များ

MME ŊKE 15:26

Jehovah abat idiɔk uduak ke mbubiam: edi edinen ikɔ edi edisana.

MME ŊKE 28:9

Owo eke ɔwɔŋɔrede utɔŋ esie man okukop mbet, idem akam esie edidi ŋkpɔ ndek.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

ISAIAH 59:7

Ukot mmɔ efeŋe enam se idiɔkde; enyuŋ ewara ndiduɔk iyip owo eke miduehe: ekikere mmɔ edi ekikere ibak; nsobo ye nwure edu ke ɔkpɔ-usuŋ mmɔ.

ISAIAH 66:18

Ndien ami (ŋkpɔ emi mmɔ enamde enyuŋ ekerede!) Ini emedi ndibon kpukpru mme idut ye usem; ndien mmɔ eyedi edise ubɔŋ mi.

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

JEREMIAH 15:6

Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 19:3

nyuŋ dɔhɔ ete, Mbufo mbɔŋ Judah ye mme andiduŋ Jerusalem, ekop uyo Jehovah; ntem ke Jehovah mme udim Abasi Israel ɔdɔhɔ, ete, Sese, mmɔŋ nda idiɔk-ŋkpɔ ntiene ebiet emi, ndien enye eyeduat utɔŋ kpukpru owo eke ekopde enye.

JEREMIAH 21:14

Ndien nyenɔ mbufo ufen nte asaŋade ke mfri ido mbufo: nyenyuŋ mbara ikaŋ ke akai esie, ndien enye eyeta kpukpru se ikande enye ikuk: uyo Jehovah edi emi.

JEREMIAH 22:29

O isɔŋ! isɔŋ! isɔŋ! kop uyo Jehovah.

JEREMIAH 29:19

koro mmɔ mikekopke uyo mi (Jehovah ɔdɔhɔ), ke ini oro ŋkɔdɔŋde ikɔt mi mme prophet utom ke ɔtɔ mmɔ, mbabak ndɔŋ: ndien mbufo ikopke, Jehovah ɔdɔhɔ.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 4:16

Mbufo etɔt mme idut; sese, mbufo ekwɔrɔ ebaŋa Jerusalem, ete ke mbon ukuk-obio eto ke anyan idut edi, enyuŋ emenere uyo mmɔ efiori ebaŋa mme obio Judah.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 49:37

Ndien nyesin Elam ndik ke iso mme asua mmɔ, ye ke iso mmɔ eke eyomde ukpɔŋ mmɔ; ndien nyeda idiɔk-ŋkpɔ ntiene mmɔ, kpa ikaŋ iyaresit mi, Jehovah ɔdɔhɔ; nyenyuŋ ndɔŋ ofut, nte ebine mmɔ tutu nsobo mmɔ mma.

JEREMIAH 6:10

Ndidɔhɔ anie, nnyuŋ nteme anie, man mmɔ ekop? sese, utɔŋ mmɔ odoro edut, ndien mmɔ ikemeke ndikop: sese, mmɔ ebat uyo Jehovah ke ŋkpɔ but; enye inemke mmɔ esit.

JEREMIAH 6:18

Ndien mmɔ edɔhɔ ete, “Nnyin idikpaŋke.” Mbufo mme idut, ekop ndien! mbon esop, mbufo enyuŋ efiɔk se idude ke otu mmɔ!

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

JEREMIAH 8:9

But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

HOSEA 10:13

Mbufo emefuŋ idiɔk-ŋkpɔ, emekpi ukwaŋ-ŋkpɔ; emedia mfri nsu: koro afo ɔbuɔtde idem fo ke usuŋ fo, ke ediwak mbon-uko fo.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

AMOS 2:4

Ntem ke Jehovah ɔdɔhɔ ete, Idiɔk ido Judah ita ye inaŋ iyakke mi ŋkabare enye (ufen) mfep: koro mmɔ esinde mbet Jehovah ke ndek, ndien minimke mme ewuhɔ esie; nsu mmɔ eke mme ete mmɔ eketienede esin mmɔ ediyo.

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

MICAH 6:2

Ikpɔ obot ye ikpɔ itiat emi ererimbot odorode ke esit, mbufo ekop utɔk Jehovah: koro Jehovah ɔtɔhɔde utɔk ye ikɔt esie, onyuŋ anamde ikɔ ye Israel.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

UTOM MME APOSTLE 8:22

Kabare esit ndien, kpɔŋ idiɔk ido fo emi, nyuŋ kpe Ɔbɔŋ ubɔk, me ndusuk enye eyedahado ɔnɔ fi ke se ekerede ntem ke esit fo.

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

DEUTERONOMY 32:1

MBUFO mme enyɔŋ ekpaŋ utɔŋ, ndien nyedɔhɔ; O isɔŋ, nyuŋ kop ikɔ inua mi.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.

1 SAMUEL 15:26

Ndien Samuel ɔdɔhɔ Saul, ete, Nditieneke fi mfiak: koro afo ekesinde uyo Jehovah, Jehovah omonyuŋ esin fi, ete okudi edidem Israel.