JEREMIAH 6:17 - Edisana ñwed Abasi Ibom

¹⁷ Ami ŋkonyuŋ ndemere mbon-ukpeme eke esede mbufo, nnim, nte, Mbufo ekpaŋ utɔŋ enɔ uyo ukorowo.

JEREMIAH 6:17 ပူးပေါင်းရင်းမြစ်များ

ISAIAH 21:11

Uyo Abasi emi abaŋa Dumah. Owo etie ke Seir ofiori okot mi, ete, Andikpeme, edi ŋkanika ifaŋ ke okoneyo? Andikpeme, edi ŋkanika ifaŋ ke okoneyo?

ISAIAH 56:10

Mbon ukpeme esie kpukpru edi nnan; ifiɔkke, kpukpru mmɔ edi ebua imum, ikemeke ndikpɔi; ke edaba ndap, ke esuhɔre ena, ke ema ndide idap.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

ISAIAH 62:6

Mmonim mbon-ukpeme ke enyɔŋ ibibene fo, O Jerusalem, mmɔ ididopke uyo baba ke ofuri uwemeyo, ye ke ofuri okoneyo, mbufo emi etide Jehovah ŋkpɔ, ekutie suŋ,

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

JEREMIAH 6:18

Ndien mmɔ edɔhɔ ete, “Nnyin idikpaŋke.” Mbufo mme idut, ekop ndien! mbon esop, mbufo enyuŋ efiɔk se idude ke otu mmɔ!

JEREMIAH 7:28

Nyuŋ dɔhɔ mmɔ, ete, Emi edi idut eke mikopke uyo Jehovah Abasi mmɔ, minyuŋ ibɔhɔ item: akpanikɔ omokure, enyuŋ esibe enye ke inua mmɔ efep.

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

EZEKIEL 3:7

Edi ufɔk Israel inyimeke ndikop uyo fo: koro mmɔ minyimeke ndikop uyo mi; koro ofuri ufɔk Israel esɔŋɔde ɔkpɔ-iso enyuŋ etunde esit.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

HABAKKUK 2:1

NYEDA ke itie-ukpeme mi, nnyuŋ nnim idem ke enyɔŋ ɔkpɔsɔŋ ɔtɔ obio, nnyuŋ ntiŋ enyin man ŋkut se enye edidɔhɔde mi, ye se ndibɔrɔde mbaŋa nduari mi.

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

ZECHARIAH 7:11

Ndien mmɔ inyimeke ndikpaŋ utɔŋ, edi ekpa edem, enyuŋ esɔŋ ibuot, enyuŋ enam utɔŋ mmɔ edobi, man ekukop.

MME HEBREW 13:17

Ekop uyo mme andida mbufo usuŋ, enyuŋ esuk ibuot enɔ mmɔ; koro mmɔ ekpemede eyom ufɔn ukpɔŋ mbufo, nte mmɔ emi enyenede ndinɔ Abasi ibat; man mmɔ enam utom ke idara, ekunam ke mfuhɔ; koro emi midorike udori inɔ mbufo.