JEREMIAH 6:16 - Edisana ñwed Abasi Ibom

¹⁶ Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

JEREMIAH 6:16 ပူးပေါင်းရင်းမြစ်များ

1 NDIDEM 8:36

afo tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ eke edisaŋade ke esit; nyuŋ nam edim edep ke isɔŋ fo, emi afo ɔkɔnɔde ikɔt fo ke udeme.

2 CHRONICLES 19:11

Ndien, sese, Amariah ɔbɔŋ oku edi etubom mbufo ke kpukpru ŋkpɔ Jehovah; ye Zebadiah eyen Ishmael, ɔbɔŋ ufɔk Judah, etubom ke kpukpru ŋkpɔ edidem: mme Levite ŋko edi ndidaha ke iso mbufo. Mbufo esɔŋ esit enam, ndien Jehovah odu ye mmɔ eke edide nti.

ŊWED MME PSALM 116:7

O ukpɔŋ mi, kabare fiak ke ebiet nduɔk-odudu fo; koro Jehovah amatat ubɔk ɔnɔ fi ŋkpɔ.

ISAIAH 2:5

O ufɔk Jacob, mbufo edi, nnyin isaŋa ke uŋwana Jehovah.

ISAIAH 28:12

emi enye ɔkɔdɔhɔde ye mmɔ, ete, Emi edi nduɔk-odudu, mbufo eyak mbon mba eduɔk odudu; emi onyuŋ edi nsukidem: edi mmɔ inyimeke ndikop.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

ISAIAH 57:2

Enye eyeduk ke ifure: mmɔ eyeduɔk odudu ke mkpana mmɔ, kpa owo eke eneŋerede asaŋa.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 2:25

Kuyak ukot fo ana iferi, kuyak itɔŋ asat fi: ndien afo ɔdɔhɔ, ete: mbut: Ih ih: koro mmama isen owo, ndien nyesuk ntiene mmɔ.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 31:21

Wuk adaha nɔ idem fo, sin ɔtɔnɔ nɔ idem fo: nim esit fo ke ɔkpɔ-usuŋ, usuŋ oro afo akasaŋade: fiak edem, O adiaha Israel, fiak edem ke mme obio fo emi.

JEREMIAH 42:3

man Jehovah Abasi fo owut nnyin usuŋ eke nnyin idisaŋade ke esit, ye ŋkpɔ eke nnyin idinamde.

JEREMIAH 44:16

Nnyin idikopke uyo fo emi abaŋade ikɔ emi afo ɔdɔhɔde nnyin ke enyiŋ Jehovah:

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 7:3

Ntem ke Jehovah mme udim, Abasi Israel, ɔdɔhɔ, ete, Mbufo ekabare usuŋ mbufo ye ido mbufo enam ɔfɔn, ndien ami nyeyak mbufo eduŋ ke ebiet emi.

MALACHI 4:4

Mbufo eti mbet Moses owo mi emi ŋketemede enye ke Horeb nnɔ ofuri Israel, kpa mme ewuhɔ ye mme item.

LUKE 16:29

Edi Abraham ete enye, mmɔ enyene Moses ye mme prophet; yak mmɔ ekpaŋ utɔŋ enɔ mmɔ.

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

JOHN 5:39

Mbufo eduŋɔre Ŋwed Abasi, koro mbufo esede ete mme imɔ imenyene nsinsi uwem ke esit; ndien edi enye edi ntiense ɔnɔ Mi.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

ŊWED MBON ROME 4:12

okponyuŋ edi ete mbobi ɔnɔ mmɔ emi midige mbon mbobi ikpɔŋ-ikpɔŋ, edi enyuŋ esaŋade ke nde ikpat mbuɔtidem, emi ete nnyin Abraham ekenyenede ke ini enye minaŋa mbobi kaŋa.

DEUTERONOMY 32:7

Ti mme usen eset, mbufo ekere isua eyo oko: bup usɔ, ndien enye eyetiŋ ɔnɔ fi; bup mbiowo fo, ndien mmɔ eyedɔhɔ fi.

ŊWED MBON COLOSSAE 2:6

Nte mbufo ema ekɔbɔ Christ Jesus Ɔbɔŋ ndien, esasaŋa ke Enye;

MME HEBREW 11:2

Oto mbuɔtidem ekebuk eti mbuk ebaŋa mbiowo.

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.

JUDGES 2:17

Ndien mmɔ ikopke uyo idem mme ebierikpe mmɔ, edi eka eketiene abasi efen, enyuŋ etuak ibuot enɔ mmɔ: mmɔ ewara ekabare ekpɔŋ usuŋ emi mme ete mmɔ ekesaŋade ke esit, ke erinim mbet Jehovah; edi mmɔ inamke ntre.