JEREMIAH 6:15 - Edisana ñwed Abasi Ibom

¹⁵ But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 6:15 ပူးပေါင်းရင်းမြစ်များ

GENESIS 19:34

anade, onyuŋ adahade. Edikem mkpɔŋ, ndien adiaha ɔdɔhɔ udu-ŋwan ete, Sese, ami ŋkadaŋ ke okoneyo ye ete mi; yak inɔ enye wine ɔŋwɔŋ, ka okoneyo emi nde; afo nyuŋ ke kadaŋ ye enye, kpaŋ nnyin iman nditɔ eke

EXODUS 32:34

Ka, ndien, kada mbon oro, ka ebiet emi ŋkɔdɔhɔde fi: sese, angel mi ɔmɔŋ ebem fi iso: ndien ke usen emi ndinɔde ufen, nyenɔ mmɔ ufen idiɔk ido mmɔ.

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ISAIAH 10:4

Mikpedige ami mmɔ ekpenuhɔ ke otu mbuot ekɔŋ, ekpenyuŋ eduɔŋɔ ke otu mme akpaŋa afai. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ISAIAH 3:9

Ŋwud-iso mmɔ ɔbɔrɔ abaŋa mmɔ; mmɔ enyuŋ eyarare idiɔk ido mmɔ nte eke Sodom, idipke. Ifɔnke fɔn inɔ ukpɔŋ mmɔ! koro mmɔ enamde idem mmɔ idiɔk.

JEREMIAH 14:15

Mmɔdo ntem ke Jehovah ɔdɔhɔ abaŋa mme prophet emi etiŋde prophecy ke enyiŋ mi, ndien ami ndɔŋke mmɔ utom, mmɔ enyuŋ edɔhɔ ete, ke baba ofut ye akaŋ ididuhe ke isɔŋ emi; mme prophet oro eyetak ke ofut ye ke akaŋ.

JEREMIAH 18:23

Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

JEREMIAH 23:12

Mmɔdo usuŋ mmɔ eyetie ye mmɔ nte mfɔfiɔnɔ ebiet ke ekim; eyebin mmɔ, ndien mmɔ eyeduɔŋɔ ke esit; koro nyeda idiɔk-ŋkpɔ, kpa isua ufen mmɔ, ntiene mmɔ: uyo Jehovah edi emi.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.

JEREMIAH 5:29

Jehovah ɔdɔhɔ ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

JEREMIAH 5:9

Jehovah ɔdɔhɔ, ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idinyuŋ isioho usiene ye oruk idut emi?

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 8:9

But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

EZEKIEL 13:14

Ndien nyebiat ibibene emi mbufo eyetde ndom, nnyuŋ ŋwuri enye tutu osim isɔŋ, ndien nyeyarare ɔtɔ emi enye odorode ke esit, ndien enye eyeduɔ, mbufo eyenyuŋ etak ke esit: ndien mbufo eyefiɔk ete ke ami ndi Jehovah.

EZEKIEL 2:4

Ndien mmɔ enyuŋ edi nditɔ usɔŋ enyin ye eke itun esit. Mmɔŋ ndɔŋ fi utom ke ebiet mmɔ; dɔhɔ mmɔ ndien, ete, Ntem ke Ɔbɔŋ Jehovah ɔdɔhɔ.

EZEKIEL 24:7

Koro iyip esie odude enye ke esit: enye odu ke edisat ikpɔ itiat: enye iduɔkke enye ke isɔŋ, man ntan ofuk enye;

HOSEA 4:5

Ndien afo eyeduɔ ke uwemeyo, phophet eyenyuŋ ɔduɔ ye afo ŋko ke okoneyo, nyenyuŋ nsobo uka.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

MICAH 3:6

mmɔdo mbufo eyenyene okoneyo eke ŋkukut mididuhe; eyenyuŋ okim ye mbufo, ndien idiɔŋ ididuhe; utin eyenyuŋ oduk ikɔt ɔkpɔŋ mme prophet, uwemeyo eyenyuŋ ebire ye mmɔ.

MICAH 7:4

Mmɔ eke efɔnde ke otu mmɔ ebiet ŋkukim: mmɔ eke enede ediɔk ekan ɔkɔ akpap: usen mbon ukpeme fo ye eke ufen fo ke edi: ke emi ke ndutime mmɔ edidi.

ZEPHANIAH 2:1

MBUFO esop idem mbufo, enyuŋ ebono, O idut eke mikemeke ndikut but;

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

ZECHARIAH 13:4

Ndien ama ekem ke usen oro, but eyenam kpukpru mme prophet abaŋa ŋkukut mmɔ, ke ini mmɔ etiŋde prophecy; ndien mmɔ idisineke ɔfɔŋ-idem idet man ebiaŋa owo.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.