JEREMIAH 6:11 - Edisana ñwed Abasi Ibom

¹¹ Ndien iyaresit Jehovah ɔyɔhɔ mi ke idem; idem emem mi ke mmum-ŋkama: nyeŋwaŋa enye ke idem eyenɔwɔŋ ke esien, ye ke otu mkparawa ini kiet: koro eyeda ebe ye ŋwan ŋko, ye mbiowo ye owo eke uwem ɔyuhɔde enye.

JEREMIAH 6:11 ပူးပေါင်းရင်းမြစ်များ

ISAIAH 40:30

Idem mkparawa eyekpa mba enyuŋ ekpɔt, nyara owo eyenyuŋ eduɔŋɔ:

JEREMIAH 15:17

Ŋketiehe ke odu mbon nsahi, nnyuŋ nnamke mbubru; ubɔk fo esin mi ntie ikpɔŋ: koro afo adade iyaresit ɔyɔhɔ mi ke idem.

JEREMIAH 15:6

Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.

JEREMIAH 18:21

Da ndien nditɔwɔŋ mmɔ nɔ biɔŋ, nyuŋ men mmɔ sin ke ubɔk ofut; yak iban mmɔ ekabare edi mme anana nditɔ, ye mme ebe-akpa; yak mkpa onyuŋ owot irenowo mmɔ; yak ofut onyuŋ ekpeŋe mkparawa mmɔ ke ekɔŋ.

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JEREMIAH 5:9

Jehovah ɔdɔhɔ, ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idinyuŋ isioho usiene ye oruk idut emi?

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

JEREMIAH 9:20

Mbufo iban ekop ndien uyo Jehovah, yak utɔŋ mbufo enyuŋ ebɔ uyo inua esie, mbufo enyuŋ ekpep nditɔ-iban mbufo ntuaŋa, yak kpukpru iban enyuŋ ekpep mbɔhiduŋ mmɔ eseme.

JEREMIAH 9:21

Koro mkpa ɔdɔkde ke window nnyin, oduk ke ikpɔ ufɔk nnyin, ndisibe nditɔwɔŋ ke efak mfep ye mkparawa ke aŋwa obio.

ŊWED ESEME 1:15

Ɔbɔŋ ese kpukpru mbon uko mi ke ufɔt mi ke ndek: enye okot owo esop idem ebaŋa mi, man enuak mkparawa mi. Ɔbɔŋ ama edigi udigi-wine adiaha Judah eyenɔwɔŋ.

ŊWED ESEME 2:21

Nditɔwɔŋ ye mbiowo ena ke isɔŋ ke efak: nditɔ-iban mi ye mkparawa mi eduɔŋɔ ke ofut; afo okowot mmɔ ke usen iyaresit fo; owot, ndien utuaha mmɔ mbɔm.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

EZEKIEL 3:14

Ntem ke spirit emenere mi, onyuŋ ada mi efep, ndien nsaŋa ke idot ye ke ufiop spirit mi; ubɔk Jehovah onyuŋ odoro mi ɔkpɔsɔŋ.

EZEKIEL 3:3

Ndien enye ɔdɔhɔ mi, ete, Eyen owo, nam idibi fo adia ikpa-ŋwed emi ami nnɔde fi, nyuŋ sin enye ke nsia fo yɔhɔ. Ndien ami ndia, ndien ŋwed akabare eniŋe mi ke inua nte aran-ɔkwɔk.

EZEKIEL 9:6

Mbufo ewot ebiowo ye akparawa ye eyen-aŋwan ye iban, esobo; edi ekusaŋa ekpere baba owo kiet eke idiɔŋɔ oro odude enye ke idem; mbufo enyuŋ etɔŋɔ ke edisana ebiet mi.

MICAH 3:8

Edi odudu emi otode spirit Jehovah, ye ikpe ye uko eyɔhɔ mi ke idem, man ŋwut Jacob idiɔk ido esie, nnyuŋ ŋwut Israel ukwaŋ-ŋkpɔ esie.

LUKE 17:34

Ndɔhɔ mbufo nte, Ke okoneyo oro owo iba eyena ke mbri kiet;

UTOM MME APOSTLE 17:16

Ke adaŋemi Paul etiede ke Athens ebet mmɔ, esit ayat enye ndikut nte ndem eyɔhɔde ke obio.

UTOM MME APOSTLE 18:5

Edi ke ini Silas ye Timothy etode ke Macedonia edi, ukwɔrɔ-ikɔ Abasi efik Paul, enye onyuŋ otim asian mme Jew ete Jesus edi Christ.

UTOM MME APOSTLE 4:20

koro nnyin mikemeke nditre nditiŋ se nnyin ikokutde inyuŋ ikopde.

ERIYARARE 16:1

EKEM ŋkop ɔkpɔsɔŋ uyo emi otode ke temple ɔdɔhɔ angel itiaba oro ete, Mbufo eka ekeŋwaŋa eso iyaresit Abasi itiaba oro eduɔk ke isɔŋ.