JEREMIAH 52:8 - Edisana ñwed Abasi Ibom

⁸ Ndien mbon-ekɔŋ mme Chaldean ebine edidem, enyuŋ esim Zedekiah, ke una-isɔŋ Jericho; kpukpru mbon-ekɔŋ esie enyuŋ ekpɔŋ enye esuana.

JEREMIAH 52:8 ပူးပေါင်းရင်းမြစ်များ

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 32:4

Zedekiah edidem Judah idinyuŋ ibɔhɔke mme Chaldean ke ubɔk; koro enye miditreke ndisine edidem Babylon ke ubɔk, eyenyuŋ eneme ye enye inua ye inua, enyin esie eyenyuŋ okut enyin enye eken;

JEREMIAH 34:21

Ndien nyeda Zedekiah edidem Judah ye ikpɔ owo esie, nsin mme asua mmɔ ke ubɔk, ye ke ubɔk mmɔ eke eyomde uwem mmɔ, ye ke ubɔk mbon-ekɔŋ edidem Babylon, emi ekpɔŋde mbufo edɔk.

JEREMIAH 37:17

ndien edidem Zedekiah ɔdɔŋ ekeda enye edi: edidem onyuŋ obime enye ke ufɔk esie ndibe-ndibe, onyuŋ ɔdɔhɔ ete, Nte ikɔ eke otode Jehovah mmɔdo? Ndien Jeremiah ete, Mmɔdo: onyuŋ ɔdɔhɔ ete, Eyeda fi esin edidem Babylon ke ubɔk.

JEREMIAH 37:18

Jeremiah onyuŋ ɔdɔhɔ Zedekiah edidem, ete, Ŋkedue fi ye ikɔt fo ye mbio-obio emi nso ŋkpɔ, eke mbufo esinde mi ke ufɔk ukwak?

JEREMIAH 38:23

Ntem ke mmɔ edisioŋo kpukpru iban fo ye nditɔ fo esɔk mme Chaldean: ndien afo udubɔhɔke mmɔ ke ubɔk: koro ubɔk edidem Babylon eyemum fi: afo eyenyuŋ ɔfɔp obio emi ke ikaŋ.”

JEREMIAH 39:5

Ndien mbonekɔŋ mme Chaldean ebine mmɔ ke edem, enyuŋ esim Zedekiah ke una-isɔŋ Jericho; ndien adaŋemi mmɔ emumde enye, mmɔ eda enye edɔk ekesɔk Nebuchadrezzar edidem Babylon ke Riblah ke isɔŋ Hamath; ndien enye ekpe ikpe ye enye.