JEREMIAH 52:7 - Edisana ñwed Abasi Ibom

⁷ Ndien obio ɔbuŋɔ, kpukpru mbon-ekɔŋ enyuŋ efeŋe, eto ke obio ewɔŋɔ ke okoneyo, eka ke usuŋ inua-etop ke ufɔt ibibene iba emi ekperede iŋwaŋ-esa edidem; mme Chal-dean enyuŋ ekan obio ekuk; ndien mmɔ eka usuŋ una-isɔŋ.

JEREMIAH 52:7 ပူးပေါင်းရင်းမြစ်များ

2 NDIDEM 25:4

Ekem ebuŋ obio, kpukpru mbon-ekɔŋ enyuŋ efeŋe ke okoneyo ke usuŋ inua-otop ke ufɔt ibibene mbiba emi ekperede iŋwaŋ-esa edidem: (koro mme Chaldean enyuŋ ekan obio ekuk:) ndien (edidem) efehe aka usuŋ una-isɔŋ.

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 39:2

Ke ɔyɔhɔ isua Zedekiah duope-kiet, ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ usukkiet, obio ɔbuŋɔ.

JEREMIAH 49:26

Mmɔdo mkparawa esie eyeduɔŋɔ ke aŋwa esie, kpukpru mbon-ekɔŋ eyenyuŋ etak ke usen oro; uyo Jehovah mme udim edi emi.

JEREMIAH 51:32

ke emenyuŋ eda mme ebiet ube inyaŋ, mkpɔdiɔhɔ-mmɔŋ ke enyuŋ esak ke ikaŋ, mbon ekɔŋ enyuŋ etimere.

JEREMIAH 6:5

Mbufo edaha ke enyɔŋ, nnyin idɔk ke okoneyo, inyuŋ isobo ikpɔ ufɔk esie.

EZEKIEL 12:12

Ndien ɔbɔŋ emi odude ke ufɔt mmɔ eyebiom ŋkpɔ ke afara ke ekim ɔwɔrɔ. Mmɔ eyetibi odudu ke ibibene, man ebume ŋkpɔ ke esit ewɔrɔ: enye eyefuk iso esie man okukut isɔŋ ke enyin.

EZEKIEL 12:4

Ndusuk mmɔ eyekut, koro mmɔ edide ufɔk nsɔŋ-ibuot. Ndien biom mkpoduoho fo, kpa nte mkpoduoho uwɔrɔ-iduŋ ke uwemeyo ke enyin mmɔ: afo nyuŋ wɔrɔ ke mbubreyo ke enyin mmɔ, kpa nte mmɔ eke ewɔŋɔde eka ke ntaŋ-mfep.

EZEKIEL 33:21

Edikem ke ɔyɔhɔ isua duopeba nte eketaŋ nnyin efep, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ ition, owo emi okotode ke Jerusalem ɔbɔhɔ osim mi, ete, Emesuan obio.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

LEVITICUS 26:36

Ndien ama edi mme mmɔ emi edisuhɔde ke otu mbufo, nyesin mmɔ esit ufep ke mme idut mme asua mmɔ, ndien uyom ikɔŋ eke enyeŋede eyenam mmɔ efeŋe itɔk, ndien mmɔ eyefeŋe, nte emi efeŋede ofut; enyuŋ eduɔŋɔ ke baba owo kiet mibineke.

AMOS 4:3

Ndien mbufo eyesaŋa ke ɔtɔ eke ewurede ewɔŋɔ, kpukpru kiet kiet eneŋere iso eka; mbufo eyenyuŋ esio idem mbufo ke akwa ufɔk eduɔk ke isɔŋ. Emi edi uyo Jehovah.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?