JEREMIAH 52:4 - Edisana ñwed Abasi Ibom

⁴ Edikem ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadrezzar edidem Babylon, ye ofuri mbon-ekɔŋ esie esim Jerusalem, enyuŋ ekan enye ekuk, ndien ebɔp ŋkokoŋo ufɔk-ekɔŋ ekan enye ekuk.

JEREMIAH 52:4 ပူးပေါင်းရင်းမြစ်များ

ISAIAH 29:3

Ndien nyenam nna-ekɔŋ ŋkan fi ŋkuk, nnyuŋ nda udim mfik fi, nnyuŋ mmenere ŋkpɔ uŋwana ekɔŋ ŋŋwana ye afo.

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 34:1

UYO emi okoto Jehovah osim Jeremiah, ke ini Nebuchadnezzar edidem Babylon ye ofuri mbon-ekɔŋ esie, ye kpukpru mme idut ke edem emi ubɔk esie akarade, ye kpukpru mme obio, eŋwanade ekɔŋ ye Jerusalem, ye kpukpru mme obio mmɔ, ete,

JEREMIAH 39:1

KE ɔyɔhɔ isua Zedekiah edidem Judah usukkiet, ke ɔyɔhɔ ɔfiɔŋ duop, Nebuchadrezzar edidem Babylon ye ofuri mbon-ekɔŋ esie esim Jerusalem edikan enye ekuk.

JEREMIAH 4:17

Kpa nte mme ekpeme-iŋwaŋ, kpa ntre ke mmɔ edikan enye ekuk: koro enye ama ɔsɔŋ ibuot ye ami; Jehovah ɔdɔhɔ.

JEREMIAH 52:7

Ndien obio ɔbuŋɔ, kpukpru mbon-ekɔŋ enyuŋ efeŋe, eto ke obio ewɔŋɔ ke okoneyo, eka ke usuŋ inua-etop ke ufɔt ibibene iba emi ekperede iŋwaŋ-esa edidem; mme Chal-dean enyuŋ ekan obio ekuk; ndien mmɔ eka usuŋ una-isɔŋ.

EZEKIEL 21:22

Idiɔŋ Jerusalem odu enye ke ubɔk nnasia, ete, inim ŋkpɔ uwuri ibibene, itat inua ibaŋa eriwot owo, isio uyo mkpo, ete inim ŋkpɔ uwuri ke mme inua-otop, ete ikubi ibombom, inyuŋ ikɔŋ akwa ufɔk ekɔŋ.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

EZEKIEL 26:8

Enye eyeda ofut owot nditɔ-iban fo ke obot-iŋwaŋ: eyenyuŋ ɔdiɔk tower ekɔŋ ke ɔtɔ fo, onyuŋ okubi ibombom adian fi onyuŋ emenere otu-ekɔŋ aŋwana ye afo.

EZEKIEL 33:21

Edikem ke ɔyɔhɔ isua duopeba nte eketaŋ nnyin efep, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ ition, owo emi okotode ke Jerusalem ɔbɔhɔ osim mi, ete, Emesuan obio.

EZEKIEL 40:1

KE isua edip ye ition nte eketaŋ nnyin efep, ke eritɔŋɔ isua, ke ɔyɔhɔ usen ɔfiɔŋ duop, ke isua duopenaŋ nte ekesuan obio, ke idem usen oro ubɔk Jehovah odoro mi ke idem, onyuŋ emen mi edi ken.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

LUKE 19:43

Koro mme usen eyesim fi eke mme asua fo edibotde ibombom ekanare fi, ekan fi ekuk, enyuŋ ebaha fi ke kpukpru ŋkaŋ;

LUKE 21:20

Edi ke adaŋemi mbufo edikutde nte mbon-ekɔŋ ekande Jerusalem ekuk, efiɔk ndien ete, ŋwure esie ke ekpere.