JEREMIAH 52:17 - Edisana ñwed Abasi Ibom

¹⁷ Mme Chaldean enyuŋ ebom mme adaha okpoho oro edude ke ufɔk Jehovah, ye udiɔhɔ akpaŋkpaŋ, ye mkpɔdiɔhɔ-mmɔŋ okpoho oro odude ke ufɔk Jehovah, ndien emen ofuri okpoho mmɔ enyɔŋ ke Babylon.

JEREMIAH 52:17 ပူးပေါင်းရင်းမြစ်များ

1 NDIDEM 7:50

ye mme cup, ye mme udiɔŋ-utuenikaŋ, ye mme bason, ye mme ikpaŋidaŋ, ye mme censer, ke ata eti gold; ye afara-ikut o-gold, ke eke itim ufɔk emi odude ke esit-esit, kpa eke ata edisana ebiet, ye eke itim ata ufɔk, kpa temple.

2 NDIDEM 20:17

Sese, usen ke edi emi mmɔ editaŋde kpukpru se idude ke ufɔk fo, ye se mme usɔ ekenimde tutu osim mfin emi, eka Babylon: ŋkpɔ ndomo kiet idisuhɔke. Ke edi Jehovah ɔdɔhɔ.

2 CHRONICLES 36:18

Ndien ama edi kpukpru mkpoduoho ufɔk Abasi, ikpɔ ye ŋkpri, ye ŋkpɔ-uto ufɔk Jehovah, ye ŋkpɔ-uto edidem, ye eke mbɔŋ esie, enye ataŋ kpukpru ɔnyɔŋ ke Babylon.

JEREMIAH 52:20

Mme adaha mbiba ye mkpɔdiɔhɔ-mmɔŋ kiet, ye enaŋ mbo duopeba okpoho oro edude ke idak, ye udiɔhɔ-akpaŋkpaŋ oro edidem Solomon akanamde ɔnɔ ufɔk Jehovah: okpoho kpukpru ŋkpɔ emi inyeneke idomo.

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

EZEKIEL 40:49

Uniɔŋ etehe edi ibio-idomo-okuk edip, ubom esie onyuŋ edi ibio-idomo-okuk duopekiet; ndien ke udigukot emi mmɔ edɔkde ke esit, obubɔk enyuŋ edu ke ɔtɔ mme adaha, kiet ke edem emi, ye kiet ke edem eken.

DANIEL 1:2

Ndien Ɔbɔŋ emen Jehoiakim edidem Judah esin enye ke ubɔk, ye ubak mkpoduoho ufɔk Abasi; ndien enye ada mmɔ ɔnyɔŋ ke edem shinar ke ufɔk abasi esie; onyuŋ ada mkpoduoho oro esin ke ufɔk unim-ŋkpɔ abasi esie.