JEREMIAH 52:12 - Edisana ñwed Abasi Ibom

¹² Ekem ke ɔyɔhɔ ɔfiɔŋ ition, ke ɔyɔhɔ usen ɔfiɔŋ duop, oro edi ɔyɔhɔ isua ɔbɔŋ Nebuchadrezzar edidem Babylon efurenaŋ, Nebu-zaradan etubom mbon ukpeme edidem, emi asaŋade utom edidem Babylon, edisim Jerusalem;

JEREMIAH 52:12 ပူးပေါင်းရင်းမြစ်များ

GENESIS 37:36

Ndien mme Midianite oro enyam enye ke Egypt enɔ Potiphar adidaha owo Pharaoh, etubom mme andikpeme enye.

2 NDIDEM 24:12

Ekem Jehoiachin edidem Judah ɔwɔrɔ etiene edidem Babylon, enye, ye eka esie, ye ikɔt esie, ye ikpɔ owo esie, ye ndidaha esie: ndien edidem Babylon ada enye ke ɔyɔhɔ isua ubɔŋ esie itiaita.

2 NDIDEM 25:8

Ekem ke ɔyɔhɔ ɔfiɔŋ ition, ke ɔyɔhɔ usen itiaba ke ɔfiɔŋ, emi edide ɔyɔhɔ isua edidem Nebuchadnezzar edidem Babylon efurenaŋ, Nebuzaradan etubom mbon-ukpeme edidem, owo edidem Babylon, edisim Jerusalem:

EZRA 5:12

Edi adaŋemi mme ete nnyin ekeyatde Abasi enyɔŋ esit, enye ada mmɔ esin ke ubɔk Nebuchadnezzar edidem Babylon, eyen Chaldea, ndien enye osobo ufɔk emi, onyuŋ ataŋ mbio oro ɔnyɔŋ, ke Babylon.

NEHEMIAH 2:3

ami nnyuŋ ndɔhɔ edidem, nte, Yak edidem akam odu uwem ke nsinsi: ke didie ke iso mikpɔfuhɔke mi ke ini obio emi edide ebiet udi mme ete mi edide ndon, mme itim esie ema enyuŋ eta ikaŋ?

ŊWED MME PSALM 79:1

O ABASI, mme idut emeduk ke udeme fo; mmɔ emebiat edisana temple fo; emenim Jerusalem ke ibombom.

JEREMIAH 1:3

onyuŋ osim enye ke eyo Jehoiakim eyen Josiah edidem Judah, tutu osim ke utit ɔyɔhɔ isua Zedekiah eyen Josiah edidem Judah duopekiet, tutu osim ke ini oro etaŋde Jerusalem efep ke ɔyɔhɔ ɔfiɔŋ ition.

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

JEREMIAH 39:11

Ndien Nebuchadrezzar edidem Babylon okowuk abaŋa Jeremiah ke ubɔk Nebuzaradan etubom mbon ukpeme edidem, ete,

JEREMIAH 39:9

Ndien Nebuzaradan etubom mme andikpeme edidem ataŋ mbio-obio efen eke esuhɔde ke obio, ye mmɔ eke ekediande idem ye enye, ye owo efen eke esuhɔde, ɔnyɔŋ ke Babylon.

JEREMIAH 52:14

Ndien kpukpru mbon ekɔŋ mme Chaldean, eke esaŋade ye etubom mbon ukpeme edidem, ewuri ofuri ibibene Jerusalem ekan ekuk.

JEREMIAH 52:29

ke ɔyɔhɔ isua Nebuchadrezzar efureta (enye ataŋ) mbio-obio Jerusalem ikie itiaita ye edip ye duopeba:

DANIEL 1:1

KE ɔyɔhɔ isua ita nte Jehoiakim edidem Judah akada ubɔŋ, Nebuchadnezzar edidem Babylon edi ke Jerusalem edikan enye okuk.

DANIEL 2:14

Ndien Daniel ada ikike ye ɔniɔŋ ɔdɔhɔ Arioch etubom mbon uwot owo oro edidem enyenede, emi ɔkɔwɔrɔde aka ndiwot mme ɔfiɔk ŋkpɔ owo Babylon:

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.