JEREMIAH 51:7 - Edisana ñwed Abasi Ibom

⁷ Babylon ekedi cup o-gold ke ubɔk Jehovah, eke esinde ofuri ererimbot eŋwɔŋ ekpa: mme idut ekeŋwɔŋ wine esie; mmɔdo mme idut edamade idat.

JEREMIAH 51:7 ပူးပေါင်းရင်းမြစ်များ

ISAIAH 14:4

ndien afo eyemenere ikwɔ emi abaŋa edidem Babylon; onyuŋ ɔdɔhɔ ete,

JEREMIAH 13:13

Ndien dɔhɔ mmɔ, ete, Ntem ke Jehovah ɔdɔhɔ, ete, Sese ami nyeda mmin nnɔ kpukpru mme andiduŋ isɔŋ emi, ye ndidem emi etiede ke ibuot David ke ebekpo esie, ye mme oku, ye mme prophet, ye kpukpru mme andiduŋ Jerusalem, eŋwɔŋ ekpa.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 50:38

Eyo ada ke mmɔŋ esie, ndien mmɔ esat: koro enye edide isɔŋ ndisɔi mbiet, ndem ndik mmɔ enyuŋ esin mmɔ edama idat.

EZEKIEL 23:42

Ndien uyo ata ediwak owo emi etiede ke ifure odu ke esit; ndien mmɔ eda mbon mmin ke wilderness edi, ekɔrɔ ye mmɔ eke etode ke mbio-obio; ndien esine mmɔ (iban oro) okpoho ubɔk ke ubɔk, enyuŋ eyara mmɔ ediye anyanya ke ibuot.

DANIEL 2:32

Ibuot mbiet oro edi eti gold, ikpanesit esie ye ubɔk esie edi silver; idibi esie ye ifuhi esie enyuŋ edi okpoho;

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

ERIYARARE 14:8

Ekem angel eŋwen, emi edide udiana-akpa, etiene ke edem, ɔdɔhɔ ete, Babylon, akwa obio oro, ɔmɔduɔ, ɔmɔduɔ, emi akanamde kpukpru mme idut eŋwɔŋ wine ifuresit use esie.

ERIYARARE 17:2

emi ndidem isɔŋ ekenamde use ye enye, mme andiduŋ ke isɔŋ ekenyuŋ eŋwɔŋde wine use esie eyuhɔ.

ERIYARARE 17:4

Ŋwan oro onyuŋ esine iyip-iyip ididuot ɔfɔŋidem, onyuŋ ada gold ye ɔsɔŋ-urua itiat ye pearl abana idem, onyuŋ enyene cup o-gold ke ubɔk, emi ɔyɔhɔde ye mbubiam kpa ido ndek use esie.

ERIYARARE 18:23

idinyuŋ ikopke aba uyom itiat ukɔk-ŋkpɔ ke esit fo; uŋwana utuenikaŋ idinyuŋ iyamake aba ke esit fo; owo idinyuŋ ikopke aba uyo ebe-ndɔ ye ŋwan-ndɔ ke esit fo. Koro mbon-urua fo ekedi mbɔŋ isɔŋ; afo ama onyuŋ ada ido idiɔŋ fo abiaŋa kpukpru mme idut;

ERIYARARE 18:3

koro kpukpru mme idut ekeŋwɔŋ wine ifuresit use esie; ndidem isɔŋ ekenyuŋ enam use ye enye, mbon-urua isɔŋ ema enyuŋ ekabare eforo oto ke uwak edinem ido esie.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.