JEREMIAH 51:57 - Edisana ñwed Abasi Ibom

⁵⁷ Ndien nyenam mbɔŋ mmɔ, ye mme ɔfiɔkŋkpɔ owo mmɔ, ye mme etubom mmɔ, ye ikpɔ owo mmɔ, ye mbon uko mmɔ eŋwɔŋ ekpa: ndien mmɔ eyede nsinsi idap, idinyuŋ idemekede; emi edi uyo edidem, Jehovah mme udim edi enyiŋ esie.

JEREMIAH 51:57 ပူးပေါင်းရင်းမြစ်များ

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

ISAIAH 6:5

Ndien ami ndɔhɔ, nte, Mbɔm mi! koro mmakpa: koro ami ndide owo edidehe mkpɔk-inua, nnyuŋ nduŋ ke otu mbon edidehe mkpɔk-inua: koro enyin mi okutde edidem, Jehovah mme udim.

JEREMIAH 13:13

Ndien dɔhɔ mmɔ, ete, Ntem ke Jehovah ɔdɔhɔ, ete, Sese ami nyeda mmin nnɔ kpukpru mme andiduŋ isɔŋ emi, ye ndidem emi etiede ke ibuot David ke ebekpo esie, ye mme oku, ye mme prophet, ye kpukpru mme andiduŋ Jerusalem, eŋwɔŋ ekpa.

JEREMIAH 25:27

Dɔhɔ mmɔ ndien, ete, Ntem ke Jehovah mme udim, Abasi Israel, ɔdɔhɔ, ete, Mbufo eŋwɔŋ ekpa, enyuŋ ekpɔhi, enyuŋ eduɔŋɔ, ndien ekudaha ke enyɔŋ, ebaŋa ofut eke ami ndidɔŋde utom ke otu mbufo.

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

JEREMIAH 48:15

Moab amabiara, mme obio esie enyuŋ edɔk (ke nsuŋikaŋ), ndimek mkparawa esie enyuŋ esuhɔre ete ekewot mmɔ; emi edi uyo edidem. Jehovah mme udim edi enyiŋ esie.

JEREMIAH 50:30

Mmɔdɔ mkparawa esie eyeduɔŋɔ ke aŋwa, kpukpru mbon ekɔŋ esie eyenyuŋ etak ke usen oro, Jehovah ɔdɔhɔ.

JEREMIAH 51:39

Ke ini mmɔ efiopde nyenim udia mmɔ, nnyuŋ nnam mmɔ eŋwɔŋ mmin ekpa, man mmɔ ebre mbre, ndien ede nsinsi idap, ekunyuŋ edemere: ke edi Jehovah ɔdɔhɔ.

EZEKIEL 20:33

Ɔbɔŋ Jehovah ɔdɔhɔ ete. Ma uwem mi, nditreke ndikara mbufo ke ɔkpɔsɔŋ ita, ye ke edimenere ubɔk, ye ke ifuresit eke eŋwaŋade.

NAHUM 1:10

Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

NAHUM 3:18

Mme ekpemerɔŋ fo etie idap-idap, O edidem Assyria: mbɔŋ fo esuhɔre ena: ikɔt fo emesuana ke ikpɔ obot, ndien baba owo kiet eke edibonde mmɔ iduhe.

MALACHI 1:14

Edi osuk ɔdɔdiɔk ɔnɔ owo abiaŋa, eke ayara odude ke otu ufene esie, ndien enye akaŋa, onyuŋ awa obukpo ŋkpɔ ɔnɔ Ɔbɔŋ: koro ami ndide akwa edidem, enyiŋ mi onyuŋ enyene ndik ke otu mme idut. Jehovah mme udim ɔdɔhɔ.

ERIYARARE 18:9

Ndien ndidem isɔŋ, emi ekenamde use ye enye, enyuŋ edude uwem edinem-edinem ye enye, eyetuaŋa enyuŋ eseme enye, ke adaŋemi mmɔ esede nsuŋikaŋ emi enye ɔfɔbɔde ke esit; eyeda nsan-nsan ɔnɔ ndik ndutuhɔ esie, ete,