JEREMIAH 51:5 - Edisana ñwed Abasi Ibom

⁵ Koro midige Abasi Israel ye Judah esin mmɔ etie nte ebe-akpa, minyuŋ idige Jehovah mme udim; koro isop emi mmɔ eduede ye Edisana Abasi Israel ɔyɔhɔde ke isɔŋ mmɔ.

JEREMIAH 51:5 ပူးပေါင်းရင်းမြစ်များ

1 NDIDEM 6:13

osu ɔnɔ fi; nyenyuŋ nduŋ ke otu nditɔ Israel; ndinyuŋ ŋkpɔŋke Israel ikɔt mi.

2 NDIDEM 21:16

Ndien ŋko Manasseh ɔkɔduɔk iyip ata ediwak owo eke miduehe isop, tutu ɔyɔhɔ ke Jerusalem, ɔtɔŋɔde ke utit emi tutu osim utit oko; ɔkɔrɔ ye mme idiɔk ido esie oro enye esinde Judah enam, ke erinam idiɔk ke iso Jehovah.

EZRA 9:9

Koro nnyin idide ifin; edi Abasi nnyin ikɔkpɔŋke nnyin ke itie ufin nnyin, edi ama anyan ubɔk ɔnɔ nnyin ke iso ndidem Persia, onyuŋ edemere nnyin, man ineŋere ufɔk Abasi nnyin, inyuŋ idiɔŋ ŋwure esie, man enye onyuŋ ɔnɔ nnyin ibibene ke Judah, ye ke Jerusalem.

ŊWED MME PSALM 94:14

Koro Jehovah mididuɔkke ikɔt esiemɔ, midinyuŋ ikpɔŋke udeme esie.

ISAIAH 44:21

Ti ŋkpɔ emi, O Jacob, ye Israel; koro afo edide owo mi: mma mbot fi; afo edi owo mi: O Israel, ndifreke fi.

ISAIAH 51:15

Ndien ami ndi Jehovah Abasi fo emi edemerede inyaŋ, ndien enye adaha okpot: Jehovah mme udim edi enyiŋ esie.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

JEREMIAH 14:19

Nte afo ɔmɔduɔk Judah fap? Nte Zion etek fi esit? Nsinam afo amiade nnyin, ndien nnyin inyeneke owo eke ɔkɔkde nnyin?

JEREMIAH 14:9

Nsinam afo ebietde owo mkpa-idem, ebiet ɔkpɔsɔŋ owo eke mikemeke ndinyaŋa? Ndien afo odu ke otu nnyin, O Jehovah, nnyin inyuŋ ikereke enyiŋ fo; kukpɔŋ nnyin.

JEREMIAH 16:18

Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 23:15

Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

JEREMIAH 31:37

Ntem ke Jehovah ɔdɔhɔ, ete, Ema ekeme ndidomo heaven ke enyɔŋ, nnyuŋ nduŋɔre itie-uwuk isɔŋ ke idak, ndien ami nyeduɔk ofuri ubon Israel, mbaŋa kpukpru se mmɔ enamde; Jehovah ɔdɔhɔ.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

JEREMIAH 51:19

Udeme Jacob ibietke mmɔ: koro edi enye edi andibot kpukpru, ye mmɔnyɔ udeme esie: Jehovah mme udim edi enyiŋ esie.

EZEKIEL 8:17

Ndien enye obup mi, ete, Eyen owo, nte afo omokut? Nte ufɔk Judah ese erinam mbubiam emi mmɔ enamde mi ke ekpri ŋkpɔ? koro mmɔ edade ŋkanubɔk eyɔhɔ ke isɔŋ, enyuŋ efiak edem eyat mi esit: ndien, sese, mmɔ ke edian ikɔŋ ke ibuo mmɔ.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

HOSEA 2:1

MBUFO edɔhɔ nditɔ-ete mbufo, ete, Ikɔt mi; enyuŋ edɔhɔ nditɔ-ete mbufo iban, ete, Ruha-mah (Emetua fi mbɔm).

HOSEA 2:3

nnyuŋ nnim enye nte usen emi enye akamanade, nnyuŋ nnim enye ke wilderness, nnyuŋ nsin enye edi edisat isɔŋ, nnyuŋ ŋwot enye ke nsat-itɔŋ.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MICAH 7:20

Afo eyenɔ Jacob akpanikɔ, ɔnɔ Abraham ufɔn oro afo ɔkɔŋwɔŋɔde ɔnɔ mme ete nnyin ke eyo oko.

ZECHARIAH 12:6

Ke usen oro nyenim mme etubom Judah ke eso ikaŋ ke otu ifia, ye ke nsaraŋ-ikaŋ ke ebek; ndien mme eyeta kpukpru mme idut emi ekande ekuk ke nnasia ye ke ufien: ndien Jerusalem eyesuk eduŋ ke ɔtɔ esie, kpa ke Jerusalem.

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

ZECHARIAH 2:12

Ndien Jehovah eyeda Judah udeme esie enyene ke edisana isɔŋ, onyuŋ emek Jerusalem ŋko.

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.