JEREMIAH 51:25 - Edisana ñwed Abasi Ibom

²⁵ Jehovah ɔdɔhɔ, ete, Sese, ami nnam ikɔ ye afo, O obot eke abiatde, eke abiatde ofuri ekondo: ndien nyenyan ubɔk ntuk fi, nnyuŋ ŋkpat fi ke edikoŋ itiat mfep, nnyuŋ nnim fi ke obot eke asakde ikaŋ.

JEREMIAH 51:25 ပူးပေါင်းရင်းမြစ်များ

GENESIS 11:4

Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

ŊWED MME PSALM 138:7

Ke ini nsaŋade ke ufɔt nnanenyin, afo eyenim mi ke uwem: eyenyan ubɔk fo odori ke iyaresit mme asua mi; ubɔk nnasia fo eyenyuŋ anyaŋa mi.

ISAIAH 13:2

Mbufo emen banner ke enyɔŋ iferi obot, emenere uyo enɔ mmɔ, efuŋ ubɔk, man mmɔ eduk ke inua-otop mbɔŋ.

JEREMIAH 25:12

Ndien Jehovah ɔdɔhɔ ete, Ama ekem ke ini isua ata ye duop emi ekurede, nyeda ufen ntiene edidem Babylon, ye idut oro, kpa idut mme Chaldean, mbaŋa idiɔk ido mmɔ, nyenyuŋ nsin enye ke nsinsi ndon.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 50:25

Jehovah emeberere usuŋ unim-ŋkpɔ esie, ɔmɔnyuŋ osio ŋkpɔ ifuresit esie: koro Ɔbɔŋ Jehovah mme udim enyenede utom ke isɔŋ mme Chaldean.

JEREMIAH 50:31

Ɔbɔŋ Jehovah mme udim ɔdɔhɔ, ete, Sese, mmasua fi, O eseri-iseri, koro usen fo emedi, kpa ini eke ndinɔde fi ufen.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.

JEREMIAH 51:58

Ntem ke Jehovah mme udim ɔdɔhɔ, ete, Ibibene akwa Babylon eyewure kpukpru, ŋkokoŋo itim esie eyenyuŋ eta ikaŋ; ndien mme idut eyenam utom ke ikpikpu, mme obio eyenyuŋ enam utom ke ikaŋ enyuŋ ekpɔt.

JEREMIAH 51:7

Babylon ekedi cup o-gold ke ubɔk Jehovah, eke esinde ofuri ererimbot eŋwɔŋ ekpa: mme idut ekeŋwɔŋ wine esie; mmɔdo mme idut edamade idat.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

ZECHARIAH 4:7

Afo akamba obot edi nso ŋkpɔ? Afo eyekabare edi una-isɔŋ ke iso Zerubbabel: ndien enye eyesio itiat ibuot ke mkpo idara, ete, Ufɔn, ufɔn enyene enye.

2 PETER 3:10

Edi Usen Ɔbɔŋ edibuat nte inɔ; ke usen oro ikpa-enyɔŋ eyebe efep ye akamba uyom, se edade ebot ererimbot eyenyuŋ etara ke ɔkpɔsɔŋ ufiop, ndien isɔŋ ye kpukpru utom eke enamde ke esit eyeta ikaŋ ebiara.

ERIYARARE 8:8

Ekem udiana angel ofri; ndien emen se ibietede akamba obot eke asakde ikaŋ, eduɔk ke inyaŋ;