JEREMIAH 51:24 - Edisana ñwed Abasi Ibom

²⁴ Mma nnyuŋ nnɔ Babylon ye kpukpru mme andiduŋ Chaldea utip ofuri idiɔk ido mmɔ oro mmɔ ekenamde ke Zion ke iso mbufo. Uyo Jehovah edi emi.

JEREMIAH 51:24 ပူးပေါင်းရင်းမြစ်များ

ŊWED MME PSALM 79:10

Mme idut enam didie edɔhɔ ete, Enye Abasi mmɔ? Nam mme idut ke iso nnyin efiɔk usiene iyip ikɔt fo emi eduɔkde.

ISAIAH 48:14

Mbufo kpukpru esop idem, enyuŋ ekop; anie ke otu mmɔ akasiak ŋkpɔ emi? Jehovah ama enye; enye eyenam se amade ke Babylon, ubɔk esie eyenyuŋ anam mme Chaldean.

ISAIAH 61:2

ŋkwɔrɔ isua mfɔnido Jehovah, ye usen usiene Abasi nnyin; ndɔŋ kpukpru mme atua-eyet esit;

ISAIAH 66:6

Uyom ndutime oto ke obio! uyo oto ke temple! uyo Jehovah emi osiode usiene ye mme asua esie.

JEREMIAH 25:14

Koro ediwak mme idut ye ikpɔ ndidem eyenim kpa mmɔ ke ifin: ndien ami nyesio usiene ye mmɔ nte ekemde ye utom mmɔ ye se ubɔk mmɔ enamde.

JEREMIAH 50:10

Ndien mme Chaldean eyedi ŋkpɔ mbume; kpukpru mmɔ eke ebumede mmɔ eyeyuhɔ, Jehovah ɔdɔhɔ.

JEREMIAH 50:15

Mbufo efiori ekan enye ekuk: enye ɔkɔŋɔ mfaŋ; se enye eberede ke esit ɔmɔduɔ, ibibene esie emewure: koro edide usiene Jehovah; mbufo esio usiene ye enye; enam ye enye kpa nte enye akanamde.

JEREMIAH 51:11

Mbufo etuk mme idaŋ, eyɔhɔ mme otu ekɔŋ: Jehovah emedemere spirit ndidem Media: koro enye aduakde ŋkpɔ abaŋa Babylon, ete isobo enye; koro emi edide usiene Jehovah, usiene temple esie.

JEREMIAH 51:23

nnyuŋ nda fi nsuan ɔbɔk-ufene ye otu ufene esie: nnyuŋ nda fi usuan ofuŋ isɔŋ ye mme enaŋ esie; nnyuŋ nda fi nsuan mme etubom ye mbɔŋ.

JEREMIAH 51:35

Andiduŋ Zion ɔdɔhɔ ete, Yak afai emi enamde mi ye obuk mi ɔsɔp Babylon; Jerusalem onyuŋ ɔdɔhɔ ete, Yak iyip mi ɔsɔp mme andiduŋ Chaldea.

JEREMIAH 51:49

Babylon ŋko mmɔŋ ɔduɔ, O mbufo Israel emi ekekpaŋade afai, eke Babylon ŋko eduɔŋɔ, O mbufo ofuri ere-rimbot emi ekpaŋade afai.

JEREMIAH 51:56

koro owo eke abiatde omosim enye, omosim Babylon, ndien emum mbon uko esie; mme utiga mmɔ ebuŋɔ: koro Jehovah edide Abasi usiene, enye iditreke ndinɔ utip.

ŊWED ESEME 3:64

O Jehovah, nɔ mmɔ utip ekem ye utom ubɔk mmɔ.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 18:24

ndien ke obio emi ema ekut iyip mme prophet ye nti ikɔt Abasi, ye iyip kpukpru mmɔ emi owo ekewotde ke isɔŋ.

ERIYARARE 6:10

Ndien mmɔ efiori ke ɔkpɔsɔŋ uyo ete, O Ɔbɔŋ, emi edide Edisana onyuŋ anamde akpanikɔ, adaŋa didie ke editre ndikpe ikpe nnyuŋ nsio usiene iyip nnyin ke idem mme andiduŋ ke isɔŋ?