JEREMIAH 51:16 - Edisana ñwed Abasi Ibom

¹⁶ Ke ini enye osiorode uyo esie uwak mmɔŋ odu ke enyɔŋ: enye onyuŋ anam uye oto ke utit ererimbot ɔdɔk: anam obuma ye edim, onyuŋ osio ofum ke ebiet unim ŋkpɔ esie.

JEREMIAH 51:16 ပူးပေါင်းရင်းမြစ်များ

GENESIS 8:1

EKEM Abasi eti Noah ye kpukpru unam, ye kpukpru ufene oro edude ye enye ke ubom:

ŊWED JOB 37:13

Enye anam enye edi, edide ke ufen, onyuŋ edide abaŋa isɔŋ esiemɔ, onyuŋ edide ke ima.

ŊWED JOB 38:22

Nte afo ama oduk ke ebiet unim snow? Ama onyuŋ okut ebiet-unim edim-itiat,

ŊWED JOB 40:9

Nte afo emenyene ubɔk ebiet eke Abasi? Nte emekeme ndituak enyɔŋ ke uyo eke ebietde esie?

ŊWED MME PSALM 104:7

Nduari fo esin mmɔ efeŋe; uyo obuma fo esin mmɔ esɔp itɔk enyɔŋɔ.

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

ŊWED MME PSALM 147:18

Emi ɔdɔŋde ikɔ esie utom, onyuŋ anam mmɔ etara; anam ofum esie abara, ndien mmɔŋ asaŋa.

ŊWED MME PSALM 18:13

Jehovah onyuŋ atuak enyɔŋ; Ata Edikoŋ onyuŋ osioro uyo esie; edim itiat ye ebok ikaŋ.

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.

ŊWED MME PSALM 68:33

Ekwɔ enɔ Enye emi odoroke ke akani enyɔŋ eset; sese, Enye ke osioro uyo, ɔkpɔsɔŋ uyo.

ŊWED MME PSALM 78:26

Anam ofum ikɔrabak abara ke ikpa-enyɔŋ: onyuŋ ada odudu esie anam ofum usuk edi.

EXODUS 10:13

Ndien Moses anyan esaŋ esie ke isɔŋ Egypt, ndien Jehovah anam ofim ikɔrabak abara ke isɔŋ ke ofuri uwemeyo oro, ye ke ofuri okoneyo; ndien ke adaŋemi eyo esierede, ikɔrabak ada ŋkukuŋkpɔyɔriyɔ edi.

EXODUS 10:19

Ndien Jehovah anam ata ɔkpɔsɔŋ ofim oto ke edem usop utin ɔwɔŋɔre, emen ŋkukuŋkppɔyɔriyɔ ɔduɔk ke Ididuot Inyaŋ; baba ŋkukuŋkpɔyɔriyɔ kiet isuhɔke ke ofuri adaŋa Egypt.

EXODUS 14:21

Ndien Moses emenere ubɔk esie ke enyɔŋ inyaŋ; ndien Jehovah anam inyaŋ asaŋa ke ofim ikɔrabak, ke ofuri okoneyo oro, onyuŋ esin inyaŋ asat, ndien mmɔŋ abahare.

EZEKIEL 10:5

Ndien ekop uyom mba mme cherubim ke edem okure, ebiet uyo Ata Ɔkpɔsɔŋ Abasi ke ini enye ɔdɔhɔde.

AMOS 9:7

Jehovah ɔdɔhɔ, ete, Nte mbatke mbufo, nditɔ Israel, nte nditɔ Ethiopia? Nte ŋkadaha Israel ke isɔŋ Egypt ndɔk? ye mme Philistine ke Caphtor? ye Syria ke Kir?

JONAH 1:4

Ndien Jehovah ɔdɔŋ akwa ofum utom ke inyaŋ, akamba oyobio onyuŋ odu ke inyaŋ, ndien etie nte ubom ɔmɔŋ ediwure.

JONAH 4:8

Ndien ekem adaŋemi uti asiahade, Abasi onim edifiop ofum ikɔrabak; utin onyuŋ ɔfɔp Jonah ibuot, ndien enye akpa mba, onyuŋ oyom ndikpa mkpa: ndien ɔdɔhɔ, ete, Mkpa mi ɔfɔn akan uwem mi.