JEREMIAH 51:15 - Edisana ñwed Abasi Ibom

¹⁵ Enye akanam ererimbot ke odudu esie, owuk ekondo ke ifiɔk esie, onyuŋ eneŋere ikpa-enyɔŋ ke ɔniɔŋ esie.

JEREMIAH 51:15 ပူးပေါင်းရင်းမြစ်များ

ŊWED JOB 9:8

Emi ɔsuhɔrede ikpa-enyɔŋ ke idem esie ikpɔŋ, onyuŋ edigide ke odut inyaŋ.

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED MME PSALM 104:24

O Jehovah, ŋkpɔ emi afo anamde ewak didie! Afo amanam mmɔ kpukpru ke ifiɔk; inyene fo ɔyɔhɔ ke ererimbot.

ŊWED MME PSALM 107:25

Ndien enye ɔdɔhɔ, ndien oyobio edemere, onyuŋ emenere odut esie.

ŊWED MME PSALM 136:5

Enye emi akanamde enyɔŋ ke ifiɔk: koro ima esie odude ke nsinsi.

MME ŊKE 3:19

Jehovah ekeda eti ibuot onim ererimbot ke itie esie: ada mbufiɔk owuk ikpa-enyɔŋ.

ISAIAH 40:22

Enye emi odorode ke ekara ererimbot, ndien mme andiduŋ enye ebiet ŋkukuŋkpɔyɔriyɔ; emi anyanarede ikpa-enyɔŋ nte ukara, onyuŋ eneŋerede enye nte tent eke eduŋde:

ISAIAH 40:26

Emenere enyin mbufo ke enyɔŋ, enyuŋ ese! Anie okobot mme mmɔ emi? Anie ada otu mmɔ ɔwɔrɔ ke ibat mmɔ? Enye osio kpukpru mmɔ enyiŋ: koro nsɔŋidem esie okponde, enye onyuŋ ɔsɔŋ odudu; baba owo mmɔ kiet isopke.

ISAIAH 42:5

Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

ISAIAH 48:13

Ubɔk mi ŋko okonim ererimbot ke itie esie, ubɔk nnasia mi onyuŋ eneŋere ikpa-enyɔŋ: ŋkot mmɔ edi, mmɔ edaha eda ini kiet.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

JEREMIAH 27:5

Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

ZECHARIAH 12:1

MBIOMO uyo Jehovah odoro Israel. Jehovah emi ekeneŋerede ikpa-enyɔŋ, onyuŋ onimde ererimbot ke itie esie, onyuŋ obotde spirit owo esin enye ke idem, ke ɔdɔhɔ, ete,

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

ŊWED MBON ROME 1:20

Koro tɔŋɔ ekebot ererimbot owo etim ekut ndibe-ndibe ŋkpɔ emi enyenede Enye, kpa nsinsi odudu Esie ye idaha Esie nte Abasi; eda mme ŋkpɔ emi Enye akanamde etim efiɔk; man mmɔ ekunyene ŋkpɔ nditiŋ nnyaŋa idem;

ŊWED MBON ROME 11:33

Uwak ɔniɔŋ ye ifiɔk Abasi edituŋɔ adaŋa didie! Mme ikpe Esie ekak owo ndiduŋɔre adaŋa didie, onyuŋ ayaŋa owo nditiene nde usuŋ Esie.

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.