JEREMIAH 51:13 - Edisana ñwed Abasi Ibom

¹³ Afo emi etiede ke itie akwa mmɔŋ, awak ke inyene, utit fo emedi, ye idomo ŋwo fo.

JEREMIAH 51:13 ပူးပေါင်းရင်းမြစ်များ

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

ŊWED MME PSALM 137:1

KE mben akpa mmɔŋ Babylon, do ke nnyin ikɔsuhɔre itie, inyuŋ itua eyet, ke ini nnyin itide Zion.

ISAIAH 43:14

Ntem ke Jehovah, andifak mbufo, Edisana Abasi Israel, ɔdɔhɔ ete, Ŋkɔdɔŋ utom ke Babylon mbaŋa mbufo, nnyuŋ nsuhɔre mbon itɔk kpukpru mmɔ; ye mme Chaldean, mkpo mmɔ odu ke ubom mmɔ.

ISAIAH 45:3

ndien nyenɔ fi unim ŋkpɔ uto ekim, ye inyene eke odobide, man afo ɔfiɔk, ete ke edi ami Jehovah emi ŋkotde fi enyiŋ, kpa Abasi Israel.

ISAIAH 57:17

Ŋkayat esit mbaŋa idiɔk mbumek esie, nnyuŋ mmiŋa enye: ŋkedibe nnyuŋ nyat esit: ndien enye asaŋa akabare akabare ke usuŋ esit esiemɔ.

JEREMIAH 17:11

Kpa nte nduduɔk ɔkubɔde nsen, ndien mibotke; kpa ntre ke owo eke ɔkɔde inyene ke usuŋ eke minenke, edikpɔŋ mmɔ ke ufɔt mme usen esie, ndien ke utit esie enye eyekabare edi ndisime.

JEREMIAH 50:27

Mbufo esobo kpukpru mme enaŋ esie; yak mmɔ esuhɔre eka mkpa: ɔdɔdiɔk ɔnɔ mmɔ! koro usen mmɔ edide, kpa ini ufen mmɔ.

JEREMIAH 50:31

Ɔbɔŋ Jehovah mme udim ɔdɔhɔ, ete, Sese, mmasua fi, O eseri-iseri, koro usen fo emedi, kpa ini eke ndinɔde fi ufen.

JEREMIAH 50:37

Ofut omodoro horse mmɔ, ye mme chariot mmɔ, ye ke idem mbuaha owo emi edude enye ke esit; ndien mmɔ eyekabare edi iban: ofut omodoro ke ebiet unim ŋkpɔ esie, ndien eyebume mmɔ.

JEREMIAH 51:36

Mmɔdo ntem ke Jehovah ɔdɔhɔ ete, Sese, ami nyekpe ikpe fo, nnyuŋ nsio usiene nnɔ fi; ndien nyenam inyaŋ esie edi edisat isɔŋ, nnyuŋ nnam mme idim mmɔŋ esie esat.

ŊWED ESEME 4:18

Mmɔ ebine ikpat nnyin, ndien nnyin ikemeke ndisaŋa ke aŋwa nnyin: utit nnyin emekpere, mme usen nnyin emeyɔhɔ: koro utit nnyin emedi.

DANIEL 5:26

Ikɔ emi onyuŋ asaŋa ntem: MENE: Abasi amabat ubɔŋ fo, omonyuŋ anam enye okure.

AMOS 8:2

Ndien enye ɔdɔhɔ ete, Afo okut nso ŋkpɔ, Amos? Ndien mbɔrɔ nte, Edidat mfri ke akpan. Ndien Jehovah ɔdɔhɔ mi, ete, Utit omosim ikɔt mi Israel; ndiyɔhɔ aba mmɔ.

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

ERIYARARE 17:1

EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

ERIYARARE 17:15

Angel onyuŋ ɔdɔhɔ mi ete, Mmɔŋ oro okokutde, eke akpara etiede ke esit, edi mbio-obio, ye otu owo, ye mme idut ye usem.

ERIYARARE 18:19

Mmɔ enyuŋ ewobi ntɔŋ eduɔk ke ibuot, esio mkpo, etuaŋa enyuŋ efuhɔ, ete, Mbɔm, mbɔm, akwa obio, emi akanamde kpukpru mme enyene ubom ke akpa eforo oto ke eriduɔk inyene esie! ke hour kiet ema enam enye odu ke ndobo.