JEREMIAH 51:11 - Edisana ñwed Abasi Ibom

¹¹ Mbufo etuk mme idaŋ, eyɔhɔ mme otu ekɔŋ: Jehovah emedemere spirit ndidem Media: koro enye aduakde ŋkpɔ abaŋa Babylon, ete isobo enye; koro emi edide usiene Jehovah, usiene temple esie.

JEREMIAH 51:11 ပူးပေါင်းရင်းမြစ်များ

1 NDIDEM 11:14

Ndien Jehovah edemere usua ɔnɔ Solomon, kpa Hadad eyen Edom: emi otode ke ubon edidem ke Edom.

1 NDIDEM 11:23

Abasi onyuŋ edemere usua ɔnɔ enye ŋko, kpa Rezon eyen Eliada, emi ekefehede ɔkpɔŋ Hadadezer edidem Zobah, ɔbɔŋ esie:

1 CHRONICLES 5:26

Ekem Abasi Israel edemere esit Pul edidem Assyria, ye spirit Tilgath-pilneser edidem Assyria, ndien enye ataŋ mmɔ efep, kpa mme Reubenite, ye mme Gadite, ye ibio esien Manasseh, onyuŋ ada mmɔ aka ke Halah, ye ke Habor, ye ke Hara, ye ke mben akpa Gozan, tutu osim mfin emi.

2 CHRONICLES 36:22

Ekem ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere Cyrus edidem Persia spirit, ndien enye ɔdɔŋ ewuhɔ ke ofuri edem emi enye akarade, onyuŋ esin ke ŋwed ŋko, ete,

EZRA 1:1

EDIKEM ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere spirit Cyrus, edidem Persia, ndien enye owuk ofuri edem emi enye akarade, onyuŋ esin ke ŋwed ŋko, ete,

ISAIAH 10:26

Ndien Jehovah mme udim eyedemere ikpa ese enye, ebiet usuana Midian ke akwa itiat Oreb: ndien esaŋ Esie eyedoro ke inyaŋ, Enye eyenyuŋ emenere enye, kpa nte akanamde ke Egypt.

ISAIAH 21:2

Ke ewut mi ɔkpɔsɔŋ ŋkukut; andibume ke obume, andibiat ke abiat. Elam, dɔk: Media, kankuk. Mmanam ofuri eseme esie odop.

ISAIAH 21:5

Nim okpokoro, nim mbon ukpeme, dia, ŋwɔŋ. Mbɔŋ, mbufo edaha ke enyɔŋ eyet otuekɔŋ aran.

ISAIAH 41:25

Mma ndemere owo kiet ke edere, ndien enye emedi: enye eyetie ke edem usiaha-utin okot enyiŋ mi: ndien enye eyesaŋa mbɔŋ ke idem nte mbat, ye nte obot-eso edigide mbat eso.

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

ISAIAH 45:5

Ami ndi Jehovah, ndien efen iduhe du, Abasi iduhe ke mibɔhɔke ami, mbɔbɔ fi mbɔbɔ, ndien afo ufiɔkke mi:

ISAIAH 46:11

Ŋkot ntrukpom, nte oto ke edem usiaha-utin edi; ŋkot owo uduak esie, nte oto ke anyan idut edi: ŋkɔm mma ndɔhɔ, nyenyuŋ nnam enye edi ŋko; mma mbot, nyenyuŋ nnam enye.

JEREMIAH 25:25

ye kpukpru ndidem Zimri, ye kpukpru ndidem Elam, ye kpukpru ndidem Media:

JEREMIAH 46:3

Mbufo etim akamba otu ekɔŋ ye ekpri, enyuŋ eyi ke ekɔŋ.

JEREMIAH 46:4

Ebɔp horse ŋkpɔ ke idem; mbufo mbon horse edɔk, enyuŋ eyara ndun ukwak, edaha eda; etuk eduat, esine edisine-ŋkpɔ-ekɔŋ.

JEREMIAH 46:9

Mbufo mme horse edɔk; yak mme chariot edama; yak mbon uko enyuŋ ewɔŋɔ; Ethiopia ye Put emi ekamade otu ekɔŋ; ye mme Ludim emi ekamade enyuŋ enukde utiga.

JEREMIAH 50:25

Jehovah emeberere usuŋ unim-ŋkpɔ esie, ɔmɔnyuŋ osio ŋkpɔ ifuresit esie: koro Ɔbɔŋ Jehovah mme udim enyenede utom ke isɔŋ mme Chaldean.

JEREMIAH 50:3

Koro idut otode ke edem edere ɔdɔk edi ekɔŋ ye enye, enye eyenam isɔŋ esie edi ndon, ndien baba owo kiet eke oduŋde ke esit ididuhe: owo ye ufene emefeŋe, emedaŋa.

JEREMIAH 50:45

Mbufo ekop ndien uduak Jehovah, emi enye aduakde abaŋa Babylon; ye mme ekikere esie emi enye ekerede abaŋa isɔŋ mme Chaldean: ata ŋkpɔ ufene iditreke ndiduri mmɔ ke usuŋ: mme iduŋ mmɔ eyekpa idem ebaŋa mmɔ.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

JEREMIAH 51:12

Mbufo emenere banner ke ibibene Babylon, enam mme itie-ukpeme esɔŋ, enim owo eke ekpemede, etim mbon-udibe: koro Jehovah amaduak omonyuŋ anam se enye ɔkɔdɔhɔde abaŋa, mme andiduŋ Babylon.

JEREMIAH 51:24

Mma nnyuŋ nnɔ Babylon ye kpukpru mme andiduŋ Chaldea utip ofuri idiɔk ido mmɔ oro mmɔ ekenamde ke Zion ke iso mbufo. Uyo Jehovah edi emi.

JEREMIAH 51:35

Andiduŋ Zion ɔdɔhɔ ete, Yak afai emi enamde mi ye obuk mi ɔsɔp Babylon; Jerusalem onyuŋ ɔdɔhɔ ete, Yak iyip mi ɔsɔp mme andiduŋ Chaldea.

JEREMIAH 51:36

Mmɔdo ntem ke Jehovah ɔdɔhɔ ete, Sese, ami nyekpe ikpe fo, nnyuŋ nsio usiene nnɔ fi; ndien nyenam inyaŋ esie edi edisat isɔŋ, nnyuŋ nnam mme idim mmɔŋ esie esat.

DANIEL 5:30

Ke okoneyo oro ewot Belshazzar edidem mme Chaldean.

JOEL 3:10

mbufo eda ŋkpɔ ufuŋ-isɔŋ mbufo edom ofut, enyuŋ eda ikwa udiɔŋ-eto mbufo edom eduat: yak owo mmem-idem ɔdɔhɔ ete, Ami ndi ɔkpɔsɔŋ.

JOEL 3:9

Mbufo etaŋa emi ke otu mme idut: etim ŋkpɔ-ekɔŋ: edemere mbon-uko: yak kpukpru mbon-ekɔŋ esaŋa ekpere edɔk edi:

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

ZECHARIAH 14:12

Ndien emi edidi ufen emi Jehovah edimiade kpukpru obio emi ekeŋwanade ekɔŋ ye Jerusalem; obukidem mmɔ eyeye-mere ke mmɔ esuk edida ke ukot mmɔ, enyin mmɔ eyenyuŋ eyemere ke ndudu mmɔ: edeme mmɔ eyenyuŋ eyemere ke inua mmɔ.

ZECHARIAH 14:2

Nyenyuŋ mbon kpukpru mme idut ndi Jerusalem, nte eŋwana ekɔŋ; ndien mmɔ eyeda obio, enyuŋ ebume ufɔk, enyuŋ esabare iban; ndien etaŋ ubak obio enyɔŋɔ nte mbuot-ekɔŋ, ndien idisibeke mbio eke esuhɔde ke obio ifep.