JEREMIAH 50:44 - Edisana ñwed Abasi Ibom

⁴⁴ Sese, enye eyeto ke iseri Jordan nte lion, ɔdɔk aka ke iduŋ ata ɔkpɔsɔŋ: koro nyeyip enyin nnam enye oto ke esit efehe, ndien anie edi edimek owo eke ndinimde ke etubom esie? Koro anie ebiet mi? Anie edinyuŋ odori ini ɔnɔ mi? Anie owo onyuŋ edi ɔbɔk ufene eke edidade mi ke iso?

JEREMIAH 50:44 ပူးပေါင်းရင်းမြစ်များ

ŊWED MME PSALM 89:6

Koro anie ke ikpa-enyɔŋ ekem ye Jehovah? Anie ke otu nditɔ ikpɔ owo ebiet Jehovah?

ŊWED MME PSALM 89:8

O Jehovah, Abasi mme udim, anie ɔsɔŋɔ nte afo, Jehovah?

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ISAIAH 40:25

Mbufo edida anie ndien edomo mi? Ami ndinyuŋ ndi ukem ye anie? Emi edi uyo Edisana Abasi.

ISAIAH 41:25

Mma ndemere owo kiet ke edere, ndien enye emedi: enye eyetie ke edem usiaha-utin okot enyiŋ mi: ndien enye eyesaŋa mbɔŋ ke idem nte mbat, ye nte obot-eso edigide mbat eso.

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

ISAIAH 46:11

Ŋkot ntrukpom, nte oto ke edem usiaha-utin edi; ŋkot owo uduak esie, nte oto ke anyan idut edi: ŋkɔm mma ndɔhɔ, nyenyuŋ nnam enye edi ŋko; mma mbot, nyenyuŋ nnam enye.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

ISAIAH 48:14

Mbufo kpukpru esop idem, enyuŋ ekop; anie ke otu mmɔ akasiak ŋkpɔ emi? Jehovah ama enye; enye eyenam se amade ke Babylon, ubɔk esie eyenyuŋ anam mme Chaldean.

JEREMIAH 12:5

Koro afo ekefehede mbuba ye mme asaŋa ukot, ndien mmɔ enam fi akpa mba, afo edinam didie ndien amia ata ye horse? Ndien afo edue idem ke isɔŋ emem, edi edinam didie ke iseri Jordan?

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 30:21

Ndien ɔbɔŋ mmɔ eyeto ke otu idem mmɔ: andikara mmɔ eyenyuŋ oto ke ufɔt mmɔ ɔwɔrɔ; ndien ami nyeyak enye asaŋa ekpere, ndien enye eyesim mi: koro anie owo edi emi onimde esit esie ubiɔŋ man osim mi?

JEREMIAH 50:15

Mbufo efiori ekan enye ekuk: enye ɔkɔŋɔ mfaŋ; se enye eberede ke esit ɔmɔduɔ, ibibene esie emewure: koro edide usiene Jehovah; mbufo esio usiene ye enye; enam ye enye kpa nte enye akanamde.

ZECHARIAH 11:3

Kop! uyom eseme mme ekpemerɔŋ; koro ubɔŋ mmɔ atakde: kop! uyom ŋkuni mkparawa lion; koro iseri Jordan atakde.

NUMBERS 16:5

Ndien ɔdɔhɔ Korah, ye kpukpru nsaŋa esie, ete, Eyo esiere, Jehovah eyewut eke edide esiemɔ, ye eke onyuŋ asanade: eyenyuŋ ada enye adian ke idem: enye eyeda owo eke enye edimekde adian ke idem.